ट्याङ्करसहित तीनजना डिजेल चोर पक्राउ

सुरक्षा-अपराध

गृहपृष्ठ
सुरक्षा-अपराध
ट्याङ्करसहित तीनजना डिजेल चोर पक्राउ

ट्याङ्करसहित तीनजना डिजेल चोर पक्राउ

मंगलबार, फागुन ४, २०७७ बागेश्वरी पोस्ट

नेपालगन्ज।तीन जना डिजेल चोरहरु पक्राउ परेका छन्। डिजेल ट्याङ्करसहित अवैध रूपमा डिजेल चोरी गरी भारततर्फ लगिरहेको अवस्थामा तीन जनालाई प्रहरीले पक्राउ गरी कारबाही प्रक्रिया सुरु गरेको जनाएको छ ।

ना७ख १५११ नम्बरको ट्याङ्करमा लोड गरी पर्साको जगरनाथ पुरको श्वेता आलय ट्रेडर्सको नामबाट भारततर्फ एक हजार ६० लिटर डिजेल लैजाँदै गरेको अवस्थामा गए राति प्रहरीले जाँच गर्दा पक्राउ गरिएको बताइएको छ । पर्सा प्रहरीका अमुसार उक्त ट्याङ्करसहित पक्राउ पर्नेमा वीरगञ्ज महानगरपालिका २२ का ३४ वर्षीय शम्भुप्रसाद महतो, मकवानपुर राक्सिराङ गाउँपालिका ३ का २२ वर्षीय अशोक पाख्रिन र मकवानपुरको मनहरि गाउँपालिका ३ का ३३ वर्षीय रामकृष्ण उप्रेती छन् ।

पक्राउ परेकामध्ये सोही ट्याङ्करका उप्रेती चालक हुन् भने पाख्रिन सहचालक तथा महतो श्वेता आलय ट्रेडर्सका मुन्सी रहेको प्रहरीले जानकारी दिएको छ ।नेपालभन्दा भारतमा डिजेल सस्तो छ ।

वीरगञ्जको नेपाल भारत सीमामा रहेको संयुक्त प्रहरी जाँच चौकी इलाकाबाट ट्याङ्करसहित उनीहरूलाई नियन्त्रणमा लिएर अनुसन्धान तथा कारबाही प्रक्रिया सुरु भएको उनले बताए ।

प्रकाशित मिति: मंगलबार, फागुन ४, २०७७ १३:५०