लोकसेवा आयोगको उत्तर पुस्तिकामा फोन नम्बर राख्दा भयो हरिबिजोग !

सुरक्षा-अपराध

गृहपृष्ठ
सुरक्षा-अपराध
लोकसेवा आयोगको उत्तर पुस्तिकामा फोन नम्बर राख्दा भयो हरिबिजोग !

लोकसेवा आयोगको उत्तर पुस्तिकामा फोन नम्बर राख्दा भयो हरिबिजोग !

बिहीबार, साउन १९, २०७९ बागेश्वरी पोस्ट

नेपालगन्ज । लोकसेवा आयोगको उत्तर पुस्तिकामा एक जना परीक्षार्थीले आफ्नो फोन नम्बर राखेर फोन गर्नु लेखेपछि उनीमाथि बज्रपात परेको छ ।

कर्णाली प्रदेश लोकसेवा आयोगले गत साउन ७ गते लिएको (अहेव पदको) चौथो तहको परीक्षामा सल्यानको सिद्धकुमाख गाउँपालिका २ का नवीनकुमार रेउलेले उत्तर पुस्तिकामा आफ्नो मोबाइल नम्बर लेखेको भेटिएको छ । उनले मोबाइल नम्बर लेखेर फोन गर्नु भनेपछि प्रदेश लोकसेवाले उनलाई दुई वर्ष सम्मका लागि अयोग्य ठहर गरेको छ ।

आयोगले जारी गरेको सूचना अनुसार उनको मास्टर आइडी १४०५७ र रोल नम्बर ४४६६ रहेको छ । रेउलेले बस्तुगत र विषयगत दुवै उत्तर पुस्तिकामा आफ्नो मोबाइल नम्बर लेखेको प्रदेश लोकसेवा आयोगका प्रवक्ता बुद्धिबहादुर खत्रीले जानकारी दिए ।

उनका अनुसार रेउलेलाई प्रदेश लोकसेवा आयोग ऐन, ०७५ को दफा ६४ को उपदफा (१) को खण्ड (ख) बमोजिम कसुर गरेको देखिएको र लोकसेवा आयोग (कार्य सञ्चालन) निर्देशिका, ०७८९ को दफा ३६ को उपदफा (२)को खण्ड (ख) बमोजिम लिखित परीक्षा रद्द गरिएको छ ।

उक्त ऐन अनुसार आयोगबाट आगामी २ वर्षसम्म हुने पदपूर्ति सम्बन्धी सबै विज्ञापनमा उम्मेदवार हुन नपाउने गरी रोक लगाएको छ । उनको यो कार्यको चौतर्फी आलोचना समेत हुँदै आएको छ ।

प्रकाशित मिति: बिहीबार, साउन १९, २०७९ ०८:३६