बारामा एकै परिवारका तीन जनाको हत्या, श्रीमान पक्राउ

सुरक्षा-अपराध

गृहपृष्ठ
सुरक्षा-अपराध
बारामा एकै परिवारका तीन जनाको हत्या, श्रीमान पक्राउ

बारामा एकै परिवारका तीन जनाको हत्या, श्रीमान पक्राउ

बुधबार, असोज २६, २०७९ बागेश्वरी पोस्ट

नेपालगन्ज । बारामा एकै परिवारका तीन जनाको हत्या गरी शव खोलाको किनारमा फलिएको अवस्थामा भेटिएको छ ।

बाराको प्रसौनी गाउँपालिका वडा नम्बर ५ प्रष्टोका गाउँका २५ वर्षीया आमा सुजाता चौधरी, उनकी छोरी ३ वर्षीया ताहिरा चौधरी र १६ महिनाको राजवीर चौधरीको हत्या भएको प्रहरीले जनाएको छ ।

जिल्ला प्रहरी कार्यालय बाराका अनुसार प्रारम्भिक अनुसन्धानमा उनीहरुको घाँटी रेटेर हत्या भएको हुन सक्ने देखिएको छ ।

प्रहरीका अनुसार उनीहरु सुजाता उनका श्रीमान र छोराछोरीसहित गँगटा मार्न घरबाट निस्किएकी थिइन् । पत्नी र छोराछोरीको हत्या गरी फरार भएको आशङ्कामा दीपेन्द्रलाई प्रहरीले खोज्ने क्रममा उनी घाइते अवस्थामा फेला परेकाले उपचारका लागि अस्पतालमा भर्ना गरिएको प्रहरीले जनाएको छ ।

प्रारम्भिक अनुसन्धानमा घरायसी विवादमा हत्या भएको हुन सक्ने आशंका गरिएको छ । घटनामा श्रीमानको भूमिका स्पष्ट भइसकेको छैन ।

प्रकाशित मिति: बुधबार, असोज २६, २०७९ २०:१७