सशस्त्र प्रहरीद्वारा कपिलवस्तुबाट ठुलो परिमाणमा अवैध काठ बरामद

अर्थ

गृहपृष्ठ
अर्थ
सशस्त्र प्रहरीद्वारा कपिलवस्तुबाट ठुलो परिमाणमा अवैध काठ बरामद

सशस्त्र प्रहरीद्वारा कपिलवस्तुबाट ठुलो परिमाणमा अवैध काठ बरामद

शुक्रबार, फागुन २६, २०७९ बागेश्वरी पोस्ट

नेपालगन्ज । सीमा सुरक्षामा अहोरात्र खटिँदै आएको सशस्त्र प्रहरीले कपिलवस्तुबाट ठुलो परिमाणमा अवैध काठको बरामद गरेको छ ।

सशस्त्र प्रहरीको कृष्णनगर बिओपीबाट खटिएको गस्ती टोलीले कृष्णनगर नगरपालिका वडा नं. १ शिवनगरबाट अवैध रुपमा टयाक्टरमा लोड गर्दै लैजाँदै गरिएको साढे ७ लाख रुपैयाँ बराबरको सागुनको काठको गोलिया बरामद गरेको सशस्त्र प्रहरी बल नम्बर २८ गण कपिलवस्तुले जनाएको छ ।

गएराती लु २ त ८५६४ नम्बरको टयाक्टरमा लोड गरेर अवैध रुपमा लैजाँदै गरिएको १०० क्यूफिटको ३० वटा सागुनको गोलियासहित ओसारपसारमा संलग्न टयाक्टरलाई समेत नियन्त्रणमा लिएको सशस्त्र प्रहरीले जनाएको छ ।

बरामद गरिएका सबै अवैध काठ र नियन्त्रणमा लिइएको टयाक्टरलाई आबश्यक कारबाहीका लागि सब डिभिजन वन कार्यालय ठाकुरापुर कपिलवस्तुमा बुझाइएको सशस्त्र प्रहरी नम्बर २८ गणले जानकारी दिएको छ ।

प्रकाशित मिति: शुक्रबार, फागुन २६, २०७९ १४:४६