झण्डै दुई लाख पाहुनालाई स्वाद चखाउँदै सकियो पौवाको 'स्वाद उत्सब'

अर्थ

गृहपृष्ठ
अर्थ
झण्डै दुई लाख पाहुनालाई स्वाद चखाउँदै सकियो पौवाको 'स्वाद उत्सब'

झण्डै दुई लाख पाहुनालाई स्वाद चखाउँदै सकियो पौवाको 'स्वाद उत्सब'

शुक्रबार, चैत २९, २०८१ बागेश्वरी पोस्ट

नेपालगन्ज । स्थापनाको नवौं वर्षको अवसर पारेर होटल पौवाले आयोजना गरेको स्वाद उत्सव आज सम्पन्न भएको छ । गत २५ गतेबाट सुरु भएको स्वाद उत्सव देशभरका १८ शाखाबाट झण्डै २ लाख पाहुनालाई स्वाद चखाउँदै आज सम्पन्न भएको हो ।

स्वाद उत्सवको नेपालगन्जबाट समापन गर्दै होटल पौवाका अध्यक्ष दुर्गा प्रसाद भण्डारीले स्वाद उत्सवमा सहभागी पाहुना तथा लगानीकर्ता, कर्मचारी पत्रकार एवं सम्पूर्ण शुभचिन्तकहरुलाई धन्यवाद ज्ञापन गरे । उनले पाहुनाहरुबाट आएको सुझावलाई कार्यान्वयन गर्दै आगामी दिनमा अझै परिस्कृत र स्वस्थकर परिकारहरु पौवामा उपलब्ध गराउने प्रतिबद्धता ब्यक्त गरे । नेपालगन्जमा ५ तारे होटलको निर्माण प्रारम्भ भइसकेको जनाउँदै भण्डारीले २ वर्षभित्र पूर्ण सेवा दिने गरी काम भइरहेको जानकारी दिए । उनले आवासीय भवन निर्माणाधीन रहे पनि रेष्टुरेन्ट, ब्याङ्केट, क्याबिनबाट पौवाले सेवा दिन सुरु गरिसकिएको बताए ।

पौवाले नेपाली नयाँ वर्षको अवसरमा आफ्नो ५ वटा शाखामा न्यु इयर इभ गर्ने भएको छ । नवलपुरको हर्कपुर शाखा, रुपन्देहीको भैरहवा र बुटवल शाखा तथा दाङको भालुवाङ र घोराहीमा न्यु इयर इभ आयोजना गरिएको पौवाका ब्राण्ड प्रमुख विष्णु भण्डारीले बताए ।

प्रकाशित मिति: शुक्रबार, चैत २९, २०८१ २२:१९