१८ करोड बढी भ्रष्टाचार मुद्दामा गोपाल खड्काविरुद्ध पक्राउ पुर्जी

अर्थ

गृहपृष्ठ
अर्थ
१८ करोड बढी भ्रष्टाचार मुद्दामा गोपाल खड्काविरुद्ध पक्राउ पुर्जी

१८ करोड बढी भ्रष्टाचार मुद्दामा गोपाल खड्काविरुद्ध पक्राउ पुर्जी

मंगलबार, वैशाख ५, २०८० बागेश्वरी पोस्ट

नेपालगन्ज । नेपाल आयल निगमका पूर्व कार्यकारी निर्देशक गोपालबहादुर खड्काविरुद्ध भ्रटाचार मुद्दामा पक्राउ पुर्जी जारी भएको छ ।

भ्रष्टाचार गरेर गैरकानूनी सम्पत्ति आर्जन गरेको मुद्दामा विशेष अदालतले सोमबार पक्राउ पुर्जी जारी गरेको हो ।

न्यायाधीशहरू यमुना भट्टराई, बलभद्र बास्तोला र खुशीप्रसाद थारुको संयुक्त इजलासले खड्कासहित ४ जनाविरुद्ध पक्राउ पुर्जी जारी गरेको हो ।

२०७५ सालमै अख्तियार दुरुपयोग अनुसन्धान आयोगले खड्काविरुद्ध १८ करोड ६६ लाख रुपैयाँ गैरकानूनी रुपमा सम्पत्ति आर्जन गरेको भन्दै विशेष अदालतमा मुद्दा दायर गरेको थियो ।

सरकारले २०७४ साल असोजमा विभिन्न संसदीय समितिको सिफारिस बमोजिम खड्कालाई पदच्युत गरेको थियो । मन्त्रिपरिषद्ले निगमको कार्यकारी निर्देशकमा नियुक्त गरेको थियो ।

प्रकाशित मिति: मंगलबार, वैशाख ५, २०८० ०७:०५