भोलि बिहान १ देखि ७ बजेसम्म त्रिभुवन विमानस्थलका सबै उडान-अवतरण बन्द

अर्थ

गृहपृष्ठ
अर्थ
भोलि बिहान १ देखि ७ बजेसम्म त्रिभुवन विमानस्थलका सबै उडान-अवतरण बन्द

भोलि बिहान १ देखि ७ बजेसम्म त्रिभुवन विमानस्थलका सबै उडान-अवतरण बन्द

बुधबार, वैशाख ६, २०८० बागेश्वरी पोस्ट

नेपालगन्ज । त्रिभुवन अन्तर्राष्ट्रिय विमानस्थलबाट भोलि बिहान १ बजेदेखि बिहान ७ बजेसम्म कुनै पनि जहाजले उडान एबम अवतरण नगर्ने भएका छन् ।

त्रिभुवन अन्तर्राष्ट्रिय विमानस्थलको विद्युत आपूर्ति प्रणालीलाई थप सुदृढीकरण गर्ने सिलसिलामा अनलाइन यूपीएस जडान गर्ने काम जारी रहेका कारण भोलि बिहान १ बजेदेखि बिहान ७ बजेसम्म सबै उडान बन्द गरिने विमानस्थलका महानिर्देशक प्रतापबाबु तिवारीले जानकारी दिएका छन् ।

उक्त समयमा विमानस्थलबाट आन्तरिक र अन्तर्राष्ट्रिय कुनै पनि उडान नहुने हुँदा यात्रुले आफ्नो वायुसेवा कम्पनीसँग सम्पर्क गरी उचित व्यवस्था मिलाउन अनुरोध गर्दै यस बखत यात्रुलाई पर्न जाने असुबिधाप्रति त्रिभुवन अन्तर्राष्ट्रिय विमानस्थलले क्षमा समेत मागेको जनाएको छ ।