सर्वोच्चले दियो सांसद विकास कोष खर्च नगर्न आदेश

अर्थ

गृहपृष्ठ
अर्थ
सर्वोच्चले दियो सांसद विकास कोष खर्च नगर्न आदेश

सर्वोच्चले दियो सांसद विकास कोष खर्च नगर्न आदेश

बुधबार, भदौ ६, २०८० बागेश्वरी पोस्ट

काठमाडौं । सांसद विकास कोष खर्च नगर्न सर्वोच्च अदालतले आदेश दिएको छ ।

सर्वोच्च अदालतले संघीय सरकारको चालु आर्थिक वर्ष २०८०–८१ को बजेटमा व्यवस्था गरिएका प्रतिनिधि सभा र सबै प्रदेश सभाका संसदीय क्षेत्र पूर्वाधार विकास कार्यक्रम सम्बन्धी व्यवस्थाहरू कार्यान्वयन नगर्न सर्वोच्चले अन्तरिम आदेश जारी गरेको हो ।

सर्वोच्चको आज बसेको संवैधानिक इजलासले उक्त आदेश जारी गरेको हो । प्रधानन्यायाधीशको शपथ खाएको दोस्रो दिनमै विश्वम्भरप्रसाद श्रेष्ठसँगै न्यायाधीशहरू ईश्वरप्रसाद खतिवडा, आनन्दमोहन भट्टराई, अनिलकुमार सिन्हा र प्रकाशमानसिंह राउत रहेको इजलासले अधिवक्ता त्रिलोकबहादुर चन्द समेतको रिट निवेदनमा सुनुवाइ गर्दै संसदीय क्षेत्र पूर्वाधार विकास कार्यक्रम कार्यान्वयन नगर्न अन्तरिम आदेश जारी गरेको हो ।

प्रकाशित मिति: बुधबार, भदौ ६, २०८० २१:२०

प्रतिक्रिया दिनुहोस्