मुगुको गमगढी बजारमा भीषण आगलागी

अर्थ

गृहपृष्ठ
अर्थ
मुगुको गमगढी बजारमा भीषण आगलागी

मुगुको गमगढी बजारमा भीषण आगलागी

शनिबार, असोज ६, २०८० बागेश्वरी पोस्ट

मुगु । मुगु बजारमा भीषण आगलागी भएको छ । गएराति १२ बजेदेखि मुगु सदरमुकाम गमगढी बजारस्थित कालिका मालिका मन्दिरदेखि उत्तरतिर रहेको बजारमा आगलागी हुँदा ८ घरमा क्षति भएको जिल्ला प्रहरी कार्यालय मुगुका प्रहरी नायब उपरीक्षक वीरेन्द्र थापाले जानकारी दिए ।

नेपाली सेना, नेपाल प्रहरी, सशस्त्र प्रहरी बल, नगर प्रहरी र स्थानीयवासीले आगलागी नियन्त्रणमा लिएको उनले बताए । उनका अनुसार गएराति काठले बनेको एक घरबाट आगो सल्किएको थियो ।

आगलागीबाट तार्के लामा, सोनाम लामा, जङ ऐडी, सान्तोना खत्री, पञ्च सेजुवाल, पिआर मल्ल , प्रदीप रावल र पुतली शाहीको घर जलेर खरानी भएका प्रनाउ थापाले जानकारी दिए ।

आगो नियन्त्रणका लागि गमगढी बजारमा वितरण गरेको खानेपानी पाइप लाइनबाट सुरक्षाकर्मीहरूले आगो नियन्त्रण गरेका थिए ।

विसं २०७८ कात्तिक २९ गते गमगढी बजारको तल्लो बजारमा पनि आगलागी हुँदा १९ घर जलेर खरानी भएका थिए ।

प्रकाशित मिति: शनिबार, असोज ६, २०८० ०९:१०