नुवाकोट-२ बाट कांग्रेसका अर्जुननरसिंह केसी निर्वाचित

आम निर्वाचन-२०७९

गृहपृष्ठ
आम निर्वाचन-२०७९
नुवाकोट-२ बाट कांग्रेसका अर्जुननरसिंह केसी निर्वाचित

नुवाकोट-२ बाट कांग्रेसका अर्जुननरसिंह केसी निर्वाचित

शनिबार, मंसिर १०, २०७९ बागेश्वरी पोस्ट

नेपालगन्ज । नुवाकोटको क्षेत्र नं २ बाट नेपाली कांग्रेसका उम्मेदवार अजुर्ननरसिंह केसी निर्वाचित भएका छन् ।

सत्तारुढ पाँच दलीय लोकतान्त्रिक–वाम गठबन्धनको साझा उम्मेदवारको रुपमा रहेका कांग्रेसका उम्मेदवार केसीले आज बिहान सकिएको मतगणनामा २८१०७ मत ल्याएर निर्वाचित भएका हुन् ।

निकटतम प्रतिस्पर्धी राष्ट्रिय स्वतन्त्र पार्टीका सुमनविक्रम पाण्डेले १६४७७ र नेकपा (एमाले)का उम्मेदवार नारायणप्रसाद खतिवडाले १५५६१ मत ल्याए ।

यसअघि विसं २०७४ को निर्वाचनमा एमालेका उम्मेदवार खतिवडासँग दश हजार मतान्तरले पराजित भएका केसी यो पटक खतिवडाभन्दा १२ हजार पाँच सय ६४ मतान्तरले निर्वाचित भएका छन् । उक्त निर्वाचन क्षेत्रमा ७७४०० मत खसेको थियो ।

प्रकाशित मिति: शनिबार, मंसिर १०, २०७९ ०७:३६