प्रतिनिधिसभाको समानुपातिकतर्फ एक करोड मत गणना

आम निर्वाचन-२०७९

गृहपृष्ठ
आम निर्वाचन-२०७९
प्रतिनिधिसभाको समानुपातिकतर्फ एक करोड मत गणना

प्रतिनिधिसभाको समानुपातिकतर्फ एक करोड मत गणना

बुधबार, मंसिर १४, २०७९ बागेश्वरी पोस्ट

नेपालगञ्ज । प्रतिनिधिसभाको समानुपातिकतर्फ एक करोड मत गणना भएको छ । निर्वाचन आयोगको आज बिहान ९ बजे सम्मको विवरण अनुसार एक करोड ८ हजार मत गणना भएको छ ।

प्रतिनिधिसभा समानुपातिकतर्फ एमालेको अग्रता कायमै छ । एमालेले २६ लाख ९६ हजार ५७५ मत प्राप्त गरेको छ । त्यस्तै नेपाली कांग्रेस २५ लाख ५३ हजार ९४ मत ल्याएर दोस्रोमा छ।

माओवादी केन्द्रले ११ लाख ४३ हजार ८९४ मत प्राप्त गरेको छ । राष्ट्रिय स्वतन्त्र पार्टी चौथोमा छ। उसले १० लाख ९८ हजार २७५ मत प्राप्त गरेको छ ।

यस्तै राष्ट्रिय प्रजातन्त्र पार्टीले ५ लाख ७० हजार ६५४, जनता समाजवादी पार्टी, नेपालले ३ लाख ८९ हजार १९७, जनमत पार्टीले ३ लाख ४९ हजार ३५२ र नेकपा (एकीकृत समाजवादी) ले २ लाख ८२ हजार २६२ मत प्राप्त गरेको निर्वाचन आयोगको विवरण छ ।

प्रकाशित मिति: बुधबार, मंसिर १४, २०७९ १२:३९