समानुपातिकतर्फ लुम्बिनी प्रदेशसभामा बाँकेबाट ९ जनाको प्रतिनिधित्व

आम निर्वाचन-२०७९

गृहपृष्ठ
आम निर्वाचन-२०७९
समानुपातिकतर्फ लुम्बिनी प्रदेशसभामा बाँकेबाट ९ जनाको प्रतिनिधित्व

समानुपातिकतर्फ लुम्बिनी प्रदेशसभामा बाँकेबाट ९ जनाको प्रतिनिधित्व

आइतबार, मंसिर २५, २०७९ बागेश्वरी पोस्ट

नेपालगञ्ज । बाँकेबाट समानुपातिकतर्फ लुम्बिनी प्रदेशसभामा ९ जनाको प्रतिनिधित्व हुने भएको छ । कांग्रेसबाट ४, एमाले २ तथा नागरिक उन्मुक्ति पार्टी, जनता समाजवादी पार्टी र राप्रपाबाट १/१ जना समानुपातिक सांसद बन्ने भएका छन् ।

नेपाली कांग्रेसले बन्दसूचीबाट जनजातीतर्फ माया पुन, थारु क्लष्टरमा सञ्जुकुमारी चौधरी, अल्पसंख्यकतर्फ सुशिला बादी र मुस्लिममा मिनाकुमारी सिद्दिकीको नाम निर्वाचन आयोगमा बुझाएको छ । यस्तै एमालेले खसआर्यबाट बसन्ती न्यौपाने र मुस्लिम कोटामा सायरो बानोको नाम आयोगमा बुझाएको छ ।

नागरिक उन्मुक्ति पार्टीले नोरीकुमारी चौधरी, जनता समाजवादी पार्टीले अम्बिका काफ्ले र राप्रपाले मिनाकुमारी श्रेष्ठलाई सांसद बनाउने निर्णय गरेर आयोगसमक्ष नाम सिफारिस गरेको छ ।

दलले बुझाएको नामावली जाँचबुझ गरेर समानुपातिकतर्फका सांसद निर्वाचित भएको घोषणा भोली गरिने निर्वाचन आयोगले जनाएको छ ।

प्रकाशित मिति: आइतबार, मंसिर २५, २०७९ १२:२६