त्रिभुवन विमानस्थलबाट ९ किलो सुनसहित एक क्यानेडियन पक्राउ

अर्थ

गृहपृष्ठ
अर्थ
त्रिभुवन विमानस्थलबाट ९ किलो सुनसहित एक क्यानेडियन पक्राउ

त्रिभुवन विमानस्थलबाट ९ किलो सुनसहित एक क्यानेडियन पक्राउ

बिहीबार, माघ १९, २०७९ बागेश्वरी पोस्ट

नेपालगन्ज । त्रिभुवन अन्तर्राष्ट्रिय विमानस्थलबाट ठुलो परिमाणमा सुन बरामद भएको छ । विमानस्थलबाट ९ किलो १३५ ग्राम काँचो सुनसहित एक जना क्यानेडियन नागरिकलाई विमानस्थल भन्सारले नियन्त्रणमा लिएको छ ।

गएराति १२:३० बजे दुबईबाट फ्लाइ दुबईको उडान नम्बर एफ २५७३ मा काठमाडौं अवतरण गरेका क्यानडियन नागरिकलाई सुनसहित विमानस्थल भन्सारले नियन्त्रणमा लिएको हो ।

पक्राउ पर्नेमा क्यानडाको पासपोर्ट बोकेका ३५ वर्षीय मोहमद कमल महगौब छन् । उनी पहिलो पटक नेपाल आएका व्यक्ति हुन् । ती क्यानेडियन नागरिकले कम्मरमा फल्स बटन बनाएर आठ वटा बिस्कुट आकारका १ केजी भन्दा बढी मात्राको सुन ल्याएका थिए ।

पक्राउ परेका कमल महगौबसँग थप अनुसन्धान भइरहेको विमानस्थल भन्सार कार्यालयले जनाएको छ ।

प्रकाशित मिति: बिहीबार, माघ १९, २०७९ ०८:४२