सरकारले चालू बजेटको आकार घटायो

अर्थ

गृहपृष्ठ
अर्थ
सरकारले चालू बजेटको आकार घटायो

सरकारले चालू बजेटको आकार घटायो

आइतबार, माघ २९, २०७९ बागेश्वरी पोस्ट

नेपालगन्ज । सरकारले चालू आर्थिक वर्षको बजेटको आकार घटाएको छ । आज बसेको प्रतिनिधिसभाको बैठक उपप्रधान तथा अर्थ मन्त्री विष्णु पौडेलले चालू आर्थिक वर्षको बजेट घटाएको जानकारी दिएका हुन् ।

गत १५ जेठमा तत्कालीन अर्थमन्त्री जनार्दन शर्माले पेश गरेको बजेटको आकारलाई घटाएका हुन् । तत्कालीन अर्थमन्त्री शर्माले १७ खर्ब ९३ अर्ब ८३ करोड रुपैयाँको बजेट पेस गरेका थिए । सोही बजेटको आकारलाई १४ प्रतिशतले घटाउँदै अर्थमन्त्री पौडेललले चालू आर्थिक वर्षको बजेटको आकार १५ खर्ब ४९ अर्ब ९९ करोडमा झारेका हुन् ।

अर्थमन्त्री पौडेलले चालू खर्च ११ खर्ब ८३ अर्ब २३ करोडबाट १० खर्ब २१ अर्ब ९२ करोड, पुँजीगततर्फ ३ खर्ब ८० अर्ब ३८ करोडबाट ३ खर्ब १३ अर्ब ८५ करोड, वित्तीय व्यवस्थामा २ खर्ब ३० अर्ब २१ करोड रुपैयाँबाट २ खर्ब १४ करोडमा झारेका हुन् ।

१४ खर्ब ३ अर्ब १४ करोड रुपैयाँ राजश्व सङ्कलनको लक्ष्य राखिएकोमा अर्थ मन्त्री पौडेलले घटाएर १२ खर्ब ४४ अर्ब ७५ करोड सङ्कलन हुने अनुमान प्रतिनिधिसभामा पेश गरेका हुन् ।

प्रकाशित मिति: आइतबार, माघ २९, २०७९ १८:१५

प्रतिक्रिया दिनुहोस्