स्कटल्याण्डका खेलाडीहरुले सन्दीप लामिछानेसँग हात मिलाएनन्

खेलकुद

गृहपृष्ठ
खेलकुद
स्कटल्याण्डका खेलाडीहरुले सन्दीप लामिछानेसँग हात मिलाएनन्

स्कटल्याण्डका खेलाडीहरुले सन्दीप लामिछानेसँग हात मिलाएनन्

शुक्रबार, फागुन ५, २०७९ बागेश्वरी पोस्ट

नेपालगन्ज । स्कटल्याण्डका खेलाडीहरुले नेपाली राष्ट्रिय क्रिकेट टिमका खेलाडी सन्दीप लामिछानेसँग हात मिलाएनन् ।

बलात्कारको आरोपी नेपाली राष्ट्रिय क्रिकेट टिमका खेलाडी लामिछानेसँग स्कटल्याण्डका कुनै पनि खेलाडीहरुले आजको खेलपछि हात मिलाएनन् । आज नेपाल र स्कटल्याण्डबीच भएको खेल सकिएपछि स्कटल्याण्डका खेलाडीले सन्दीपसँग हात नमिलाई अन्य नेपाली खेलाडीहरुसँग मिलाएका हुन् ।

त्रिविविको कीर्तिपुर मैदानमा भएको खेलमा नेपालले स्कटल्याण्डलाई ३ विकेटले हरायो । सन्दीपले ३ विकेट लिएका थिए । उनी पूर्व कप्तान पनि हुन् । राम्रो लेग स्पिनर पनि हुन् । तर उनीमाथि लागेको दागका कारण स्कटल्याण्डका खेलाडीहरुले उनीसँग हात नमिलाएको बुझ्न सकिन्छ ।

उनीमाथि नाबालिग बलात्कारको आरोप छ । अदालतमा उनको मुद्दा कायमै छ । तर, नेपाल क्रिकेट संघ क्यानले भने मुद्दाको छिनोफानो नहुँदै उनीमाथिको निलम्बन फुकुवा गर्दै नामिबिया समेत सम्मिलित त्रिकोणात्मक एक दिवसीय श्रृंखलामा समावेश गरेको हो ।

प्रकाशित मिति: शुक्रबार, फागुन ५, २०७९ १८:४६