लिग-२ मा नेपालले च्याम्पियन स्कटल्याण्डलाई फेरि हरायो

खेलकुद

गृहपृष्ठ
खेलकुद
लिग-२ मा नेपालले च्याम्पियन स्कटल्याण्डलाई फेरि हरायो

लिग-२ मा नेपालले च्याम्पियन स्कटल्याण्डलाई फेरि हरायो

मंगलबार, फागुन ९, २०७९ बागेश्वरी पोस्ट

नेपालगन्ज । काठमाडौंमा सम्पन्न विश्वकप लिग–२ अन्तर्गत त्रिकोणात्मक एक दिवसीय क्रिकेटमा नेपालले शानदार प्रदर्शन गरेको छ । नेपालले सबै चार खेल जितेर रेकर्ड राखेको छ ।नेपालले आफ्नो अन्तिम खेलमा लिग च्याम्पियन स्कटल्याण्डलाई फेरि पराजित गरेको छ।

नेपालले आफूभन्दा बलिया स्कटल्याण्ड र नामिबियालाई पराजित गरेको हो । अन्तिम खेलमा आज नेपालले च्याम्पियन बनिसकेको स्कटल्याण्डमाथि २ विकेटको सनसनीपूर्ण जित निकाल्यो । यसअघिको भिडन्तमा पनि नेपालले स्कटल्याण्डमाथि सनसनीपूर्ण जित नै निकालेको थियो ।

लिग-२ मा नेपालले लगातार चौथो खेलमा जित निकालेको यो पहिलो पटक हो। २१३ रनको लक्ष्य नेपालले ८ विकेटको क्षतिमा ३५ बल बाँकी रहँदै पूरा गर्‍यो। नेपालको जितमा कप्तान रोहितकुमार पौडेलले ९५ रन हाने। नटआउट रहेका अर्का खेलाडी करण केसीले ३१ रन हाने। विश्वकप लिग–२ मा स्कटल्याण्डले आज ३६ औं तथा अन्तिम खेल खेल्यो । सात टिम सहभागी लिगमा स्कटल्याण्ड ५० अंकसहित च्याम्पियन भएको हो ।

३६ खेल खेलिसकेको ओमान ४४ अंकसहित दोस्रो स्थानमा रहेको छ । दुई खेल खेल्न बाँकी छँदै नामिबियाको ३७ अंक छ । त्यस्तै चौथो स्थानको अमेरिकाले सबै खेल खेलेर ३५ अंक जोडेको छ ।

पाँचौं स्थानको यूएईले २६ खेलबाट २७ अंक जोडिसकेको छ । नेपालले २८ खेलबाट २६ अंक जोडेको छ । त्यस्तै पुछारको पपुवा न्यूगिनीको २८ खेलमा मात्र ५ अंक छ ।

प्रकाशित मिति: मंगलबार, फागुन ९, २०७९ १६:५७