भारतबाट ग्यासबाहेक सबै इन्धनको मूल्य घटेर आयो

अर्थ

गृहपृष्ठ
अर्थ
भारतबाट ग्यासबाहेक सबै इन्धनको मूल्य घटेर आयो

भारतबाट ग्यासबाहेक सबै इन्धनको मूल्य घटेर आयो

बुधबार, फागुन १७, २०७९ बागेश्वरी पोस्ट

नेपालगन्ज । नेपाल आयल निगमलाई भारतीय इन्धन बिक्रेता कम्पनी भारतीय आयल कर्पोरेशन खाना पकाउने ग्यास बाहेक सबैको मूल्य घटाएर पठाएको छ ।

जस अनुसार खाना पकाउने ग्यासको मूल्य बढेर आएको छ । डिजेल तथा पेट्रोलको मूल्य भने घटेर प्राप्त भएको निगमले जनाएको छ । नयाँ मूल्यअनुसार निगमलाई डिजेलको मूल्य ५ रुपैयाँ ५ पैसा घटेर आएको छ ।

यस्तै पेट्रोलमा १ रुपैयाँ २१ पैसा लागत घटेको निगमले जनाएको छ । निगमलाई मट्टितेलमा ३ रुपैया ४० पैसाले लागत घटेको र हवाई इन्धनमा ७ रुपैयाँ ३ पैसा घटेर आएको निगमले जनाएको छ ।

निगमलाई प्राप्त नयाँ मूल्य अनुसार खाना पकाउने ग्यासको लागत प्रतिसिलिण्डर ३३९ रुपैयाँले बढेको छ ।

प्रकाशित मिति: बुधबार, फागुन १७, २०७९ १८:०९