नेपाल यू -१९ क्रिकेट विश्वकपमा

खेलकुद

गृहपृष्ठ
खेलकुद
नेपाल यू -१९ क्रिकेट विश्वकपमा

नेपाल यू -१९ क्रिकेट विश्वकपमा

बिहीबार, फागुन १८, २०७९ बागेश्वरी पोस्ट

नेपालगन्ज । नेपाल यू–१९ क्रिकेट विश्वकपमा पुगेको छ । आईसीसी यू–१९ विश्वकप एसिया क्षेत्र छनोट अन्तर्गतको अन्तिम खेलमा यूएईलाई पराजित गरी नेपाल विश्वकपमा पुगेको हो ।

यूएईको अजमानको इडन ग्रार्डेन ओभलमा भएको खेलमा नेपाल ७ रनले विजयी हुँदै प्रतियोगिताको शीर्ष स्थानमा रहेर सन् २०२४ मा श्रीलंकामा हुने विश्वकपमा टिकट काट्न सफल भएको हो । नेपाल दोस्रो पटक विश्वकपमा पुगेको हो ।

यसअघि सन् २०१६ मा नेपाल पहिलो पटक विश्वकपमा पुगेको थियो । खेलमा टस जितेर पहिले ब्याटिङ गरेको नेपालले ४८ ओभर ५ बलमा अलआउट हुँदै १९१ रन बनायो ।

कप्तान देव खनालले ८४ बलमा ५१ रन बनाए । विशाल विक्रम केसीले ५० बलमा ३८ रन बनाए। उत्तम थापा ३६ रन बनाएर आउट भए । यूएईका लागि ध्रुव पराशरले ३ तथा हरिस शेट्टी र आयान खानले समान २–२ विकेट लिए ।

जवाफमा यूएईले ४८ ओभरमा सबै विकेट गुमाएर १८४ रनमात्र बनाउन सक्यो । इथान कार्ल डिसुजाले ५० रन बनाएको इनिङ्समा नेपालका लागि दिपेश कर्णेलले ५ विकेट लिए । त्यस्तै सुवास भण्डारी र हेमन्त धामीले २–२ विकेट लिए । ६ टिम सहभागी प्रतियोगितामा नेपाल सबै खेल जितेर शीर्ष स्थानमा रहँदै विश्वकपमा छानिएको हो ।

प्रकाशित मिति: बिहीबार, फागुन १८, २०७९ १८:३५

प्रतिक्रिया दिनुहोस्