डुडुवामा आजदेखि दोस्रो लुम्बिनी प्रदेश स्तरीय जुडो सुरु

खेलकुद

गृहपृष्ठ
खेलकुद
डुडुवामा आजदेखि दोस्रो लुम्बिनी प्रदेश स्तरीय जुडो सुरु

डुडुवामा आजदेखि दोस्रो लुम्बिनी प्रदेश स्तरीय जुडो सुरु

शुक्रबार, फागुन १९, २०७९ बागेश्वरी पोस्ट

नेपालगञ्ज । बाँकेको डुडुवा गाउँपालिकामा आजदेखि दोस्रो लुम्बिनी प्रदेश स्तरीय खुल्ला जुडो प्रतियोगिता सुरु भएको छ । डुडुवा गाउँपालिकाकाको समन्वयमा शहिद स्मारक माबिको प्रांगणमा कम्दी जुडो डोजो क्लबको आयोजनामा उक्त प्रतियोगिता सुरु भएको हो ।

प्रतियोगितालाई डुडुवा गाउँपालिकाका अध्यक्ष नरेन्द्रकुमार चौधरीले उद्घाटन गरे । सो क्रममा उनले खेल क्षेत्रले सकारात्मक प्रतिस्पर्धाको भावना जागृत गर्ने भन्दै गाउँपालिका सहकार्य गर्न तयार रहेको बताए । खेलकुदमार्फत देशलाई बिश्वमै चिनाएको र यसले देशको प्रतिष्ठा बनाउन पनि मद्दत पुर्याउने भएकाले पालिका यस्ता गतिबिधिका लागि गम्भीर रहेको उनको भनाई छ । उद्घाटन कार्यक्रममा वडा नं ५ का वडा अध्यक्ष झंकबहादुर थापा, वडा नं ४ का वडा अध्यक्ष सगिर खाँ, इलाका प्रहरी कार्यालय कम्दीका प्रमुख बिष्णु शाही, जुडोका संस्थापक नोम बहादुर थापा लगायतको उपस्थिति रहेको थियो । लुम्बिनी प्रदेशका चार जिल्लाको खेलाडीहरुको सहभागिता रहेको कम्दी जुडो डोजोका अध्यक्ष एवम् प्रशिक्षक पदम बहादुर बुढाथोकीले बताए ।

प्रतियोगितामा महिला पुरुषतर्फ ६६ बिधामा प्रतिस्पर्धा हुँदैछ । शनिबार समापन हुने प्रतियोगितामा महिलातर्फ ४०, ४४, ४८, ५२, ५७ केजी र खुल्ला तौल समूह तथा पुरुषतर्फ ४०, ४५, ५०, ५५, ६० केजी र खुल्ला तौल समूहमा प्रतिस्पर्धा हुने अध्यक्ष बुढाथोकीले जानकारी दिए । लुम्बिनी प्रदेशको बाँके, बर्दिया, दाङ, कपिलबस्तु र बाँकेको खजुरा, नेपालगञ्जका बिभिन्न स्थानमा रहेका एक सय ३० जना खेलाडीहरुको सहभागिता रहेको छ ।

प्रकाशित मिति: शुक्रबार, फागुन १९, २०७९ २१:२५

प्रतिक्रिया दिनुहोस्