स्प्रिंग डेल एकेडेमीको १७औं बार्षिकोत्सबमा विभिन्न कार्यक्रम

शिक्षा

गृहपृष्ठ
शिक्षा
स्प्रिंग डेल एकेडेमीको १७औं बार्षिकोत्सबमा विभिन्न कार्यक्रम

स्प्रिंग डेल एकेडेमीको १७औं बार्षिकोत्सबमा विभिन्न कार्यक्रम

शनिबार, फागुन २०, २०७९ बागेश्वरी पोस्ट

नेपालगञ्ज । स्प्रिंग डेल एकेडेमी नेपालगञ्जले १७औं बार्षिकोत्सबका अवसरमा विभिन्न कार्यक्रम गरेको छ । कारकाँदोस्थित विद्यालय प्रांगणमा आज आयोजित १७औं बार्षिकोत्सबमा विज्ञान प्रदर्शनीसंगै विविध सांस्कृतिक कार्यक्रम पनि गरिएको छ । त्यसक्रममा विभिन्न फूड स्टलहरु पनि राखिएको थियो । विद्यार्थीहरुले विभिन्न प्रकृतिका नृत्यहरु समेत प्रस्तुत गरेका थिए ।

विद्यालयका अध्यक्ष विनोद न्यौपानेको अध्यक्षता एवम् प्रमुख अतिथि लुम्बिनी प्रदेशसभा सदस्य माया पुन तथा विशिष्ट अतिथिहरुमा लिडरसिप एकेडेमीका अध्यक्ष सन्तोष शाह, राष्ट्रिय परीक्षा बोर्ड कोहलपुरका प्रमुख रामसुरेश यादव, प्याब्सन जिल्ला अध्यक्ष यम रावत लगायतको उपस्थितिमा भएको कार्यक्रममा विज्ञान प्रदर्शनीका उत्कृष्ट विद्यार्थी, नृत्यमा जिल्ला प्रथम ग्रुप, एसइई टपर लगायतलाई पुरस्कार वितरण समेत गरिएको थियो । कार्यक्रममा प्रमुख अतिथि पुनले स्प्रिंग डेल एकेडेमीले आफूलाई यस क्षेत्रको उत्कृष्ट विद्यालयको रुपमा स्थापित गरिसकेको बताइन् । औपचारिक शिक्षासंगै अतिरिक्त क्रियाकलाप र जीवनोपयोगी सीप विकासमा पनि विद्यालयको मेहनत देखिएको पुनले बताइन् ।

विद्यालयका प्राचार्य शरदचन्द्र रावलले स्वागत मन्तब्य व्यक्त गर्दै विद्यार्थीहरुलाई गुणस्तरीय शिक्षा प्रदान गर्दै जीवनोपयोगी सीपहरुको विकासका खातिर पनि विद्यालय दत्तचित्त भएर लागिपरेको बताए । अभिभावकहरुको साथ र मार्गदर्शनले विद्यालय निरन्तर अघि बढिरहेको रावलको भनाई छ । कार्यक्रममा लिडरसिप एकेडेमीका अध्यक्ष शाह, राष्ट्रिय परीक्षा बोर्ड कोहलपुरका प्रमुख यादव, प्याब्सन जिल्ला अध्यक्ष रावत, विद्यालय व्यवस्थापन समिति सदस्य ऋचा लुइँटेल, शिक्षक सन्तोष विक, अभिभावकहरु किशोर आचार्य, सीता शर्मा, विद्यार्थीहरु सलिना शाह, निश्चल भट्ट लगायतले मन्तब्य ब्यक्त गरेका थिए ।

फोटोफिचर

No description available.