आइसिसी लिग २ मा आज नेपाल र युएई खेल्दै, जित्नै पर्ने दबाबमा नेपाल

खेलकुद

गृहपृष्ठ
खेलकुद
आइसिसी लिग २ मा आज नेपाल र युएई खेल्दै, जित्नै पर्ने दबाबमा नेपाल

आइसिसी लिग २ मा आज नेपाल र युएई खेल्दै, जित्नै पर्ने दबाबमा नेपाल

सोमबार, फागुन २२, २०७९ बागेश्वरी पोस्ट

नेपालगन्ज । आईसीसी विश्वकप लिग–२ अन्तर्गतको त्रिकोणात्मक क्रिकेट श्रृंखलाको अन्तिम खेलमा नेपालले आज घरेलु टोली यूएईसँग खेल्दैछ ।

खेल दुबई अन्तर्राष्ट्रिय क्रिकेट मैदानमा नेपाली समय अनुसार बिहान ११ः४५ बजे शुरु हुँदैछ । पहिलो खेलमा नेपाल यूएईसँग पराजित भएको थियो । घाइते भएका कारण यो खेलमा कुशल भुर्तेल हुने छैनन् । उनको ठाउँ सन्दीप जोराले लिनेछन् ।

सन् २०१९ देखि जारी रहेको विश्वकप लिग–२ को श्रृंखलामा नेपालको यो विदेशमा हुने अन्तिम खेल हो । यो खेल सकिएपछि यसै साता बिहीबारदेखि नेपालले पपुवा न्यूगिनी र यूएईसँग घरेलु मैदानमा २–२ खेल खेल्नेछ । नेपाली भूमिमा हुने यो श्रृंखलासँगै विश्वकप लिग–२ पनि सकिनेछ ।

यही श्रृंखलाबाटै विश्वकप छनोटमा पुग्ने शीर्ष तीन टिम र एक दिवसीयमा रहिरहने शीर्ष पाँच टिमको टुङ्गो लाग्नेछ । हरेक टिमले ३६ खेल खेलेपछि सात टोली सहभागी लिग–२ बाट यसको छिनोफानो हुन लागेको हो ।

विश्वकप लिग–२ मा सबै खेल खेलेर स्कटल्याण्ड ५० अंकसहित च्याम्पियन बनिसकेको छ । दोस्रो स्थानको ओमानको ४४ अंक छ । तेस्रो स्थानको नामिबियाको ३९ अंक छ । सबै खेल खेलेको चौथो स्थानको अमेरिकाको ३५ अंक छ ।

३१ खेलबाट यूएईको ३१ अंक छ । ३१ खेलबाटै ३० अंकको नेपाल छैटौं स्थानमा छ । सातौं स्थानको पीएनजीको ९ अंक छ ।

प्रकाशित मिति: सोमबार, फागुन २२, २०७९ ०९:२५

प्रतिक्रिया दिनुहोस्