नेपालले ओडीआईमा बनायो अहिलेसम्मकै उच्च स्कोर

खेलकुद

गृहपृष्ठ
खेलकुद
नेपालले ओडीआईमा बनायो अहिलेसम्मकै उच्च स्कोर

नेपालले ओडीआईमा बनायो अहिलेसम्मकै उच्च स्कोर

पपुवा न्यूगिनीलाई २९८ रनको टार्गेट

बिहीबार, फागुन २५, २०७९ बागेश्वरी पोस्ट

नेपालगन्ज । नेपालले आईसीसी विश्वकप लिग २ डिभिजन क्रिकेटमा अहिलेसम्मकै उच्च स्कोर बनाएको छ । आसिफ शेखले एक दिवसीय अन्तर्राष्ट्रियमा पहिलो शतक बनाएपछि नेपालले क्रिकेट विश्वकप लिग २ डिभिजनमा पपुवा न्यूगिनीविरुद्ध २९७ रनको उच्च स्कोर बनाएको हो ।

त्रिभुवन विश्वविद्यालयस्थित कीर्तिपुरमा भएको खेलमा नेपालले टस हारेर पहिले ब्याटिङ गर्दै ४९.१ ओभरमा सबै विकेट गुमाएर २९७ रन बनायो । आसिफले ११० बलमा ११० रन नै बनाए । उनले २ छक्का र १२ चौका प्रहार गरेका थिए । आसिफले यो सँगै १ हजार रनसमेत पूरा गरेका छन् । आसिफ रोहित पौडेलपछि एक दिवसीयमा १ हजार रन पूरा गर्ने पहिलो खेलाडी हुन् । त्यस्तै आसिफ एक दिवसीयमा शतक प्रहार गर्ने पाँचौं खेलाडी बनेका छन् ।

पहिलो विकेटका लागि आसिफसँग मिलेर कुशल भुर्तेलले ११० रनको साझेदारी गरेका थिए । उत्कृष्ट साझेदारी गर्ने क्रममा कुशलले ४५ रन बनाए । भीम सार्कीले ३८ बलमा ४४ तथा कप्तान रोहित पौडेलले ३० रन बनाए ।

पपुवा न्यूगिनीका लागि सेमो कामेअले ५ तथा रिले हेकुरेले ३ विकेट लिए । पीएनजीले आधा दर्जन भन्दा बढी क्याच ड्रप गरेको थियो । कठिन चुनौती लिएर पपुवा न्यूगिनी मैदानमा उत्रिएको छ ।

प्रकाशित मिति: बिहीबार, फागुन २५, २०७९ १३:३९