नेपालले पीएनजीलाई ५२ रनले हरायो

खेलकुद

गृहपृष्ठ
खेलकुद
नेपालले पीएनजीलाई ५२ रनले हरायो

नेपालले पीएनजीलाई ५२ रनले हरायो

बिहीबार, फागुन २५, २०७९ बागेश्वरी पोस्ट

नेपालगन्ज । नेपालले आईसीसी क्रिकेट विश्वकप लिग टु अन्तर्गत अन्तिम शृखंलाको पहिलो खेलमा पपुवा न्यूगिनी (पीएनजी) माथि सानदार जित हात पारेको छ ।

त्रिभुवन विश्वविद्यालयको कीर्तिपुर मैदानमा आज भएको खेलमा नेपाल ५२ रनले विजयी भएको हो । २९८ रनको चुनौती पछ्याएको पपुवा न्यूगिनी ४७.१ ओभरमा अलआउट हुँदै २४५ रनमा समेटियो । आसिफ शेखको पहिलो ओडीआई शतक र स्पीनरहरुको उत्कृष्ट बलिङ प्रदर्शनमा नेपाल विजयी बनेको हो ।

पपुवा न्यूगिनीका लागि नोर्मान भानुआले सर्वाधिक ६० रन बनाए । त्यस्तै टोनी उराले ५०, कप्तान असाद भालाले ४२ रन जोडे । नेपालका लागि सन्दीप लामिछानेले सर्वाधिक ४ विकेट लिए । त्यस्तै दिपेन्द्र सिंह ऐरीले २ तथा करण केसीले १ विकेट लिए । तीन खेलाडी रनआउट भए ।

यसअघि पहिले ब्याटिङ गरेको नेपालले अहिलेसम्मकै उच्च स्कोर खडा गर्यो । आसिफ शेखले एक दिवसीय अन्तर्राष्ट्रियमा पहिलो शतक बनाएपछि नेपालले क्रिकेट विश्वकप लिग २ मा पपुवा न्यूगिनीविरुद्ध २९७ रनको उच्च स्कोर बनाएको हो ।

टस हारेर पहिले ब्याटिङ गर्दै नेपालले ४९.१ ओभरमा सबै विकेट गुमाएर २९७ रन बनायो । आसिफले ११० बलमा ११० रन नै बनाए । उनले २ छक्का र १२ चौका प्रहार गरेका थिए । यो जितसँगै नेपालको विश्वकप छनौट खेल्ने सम्भावना बढिरहेको छ।

प्रकाशित मिति: बिहीबार, फागुन २५, २०७९ १६:५५

प्रतिक्रिया दिनुहोस्