पपुवा न्यूगिनी नेपालसँग ९ विकेटले पराजित

खेलकुद

गृहपृष्ठ
खेलकुद
पपुवा न्यूगिनी नेपालसँग ९ विकेटले पराजित

पपुवा न्यूगिनी नेपालसँग ९ विकेटले पराजित

सोमबार, फागुन २९, २०७९ बागेश्वरी पोस्ट

नेपालगन्ज । नेपालले आईसीसी विश्वकप लिग २ को त्रिकोणात्मक एक दिवसीय क्रिकेट श्रृंखलाको दोस्रो अन्तिम खेलमा पपुवा न्यूगिनीलाई ९ विकेटले पराजित गरेको छ ।

आज भएको खेलमा नेपालले पपुवा न्युगिनी पीएनजीलाई ९ विकेटले हराएको हो । ९६ रनको झिनो चुनौती नेपालले ७.४ ओभरमा १ विकेटको क्षतिमा पूरा गर्यो ।

आसिफ शेखले २१ बलमा अविजित रहँदै ५३ रन बनाए । उनले कम बलमा अर्धशतक पूरा गर्ने कीर्तिमान पनि बनाएका छन् । कुशल भुर्तेलले १४ बलमा ३३ रन बनाए भने कुशल मल्लले १३ बलमा अविजित रहँदै १२ रनको योगदान दिए ।

यसअघि त्रिभुवन विश्वविद्यालयको कीर्तिपुर मैदानमा पीएनजीले टस हारेर पहिले ब्याटिङ गर्दै ३२ ओभरमा अलआउट हुँदै ९५ रन बनायो। कप्तान असाद भालाले सर्वाधिक २० रन जोडे।

नेपालका लागि सन्दीप लामिछानेले ५, ललितनारायण राजवंशी र कुशल मल्लले २–२ तथा सोमपाल कामीले १ विकेट लिए ।

यो जित हासिल गरेसँगै नेपाल विश्वकप छनोट सिधै खेल्ने बाटोमा अब एक जित मात्र पछाडि छ । नेपालले बिहीबार यूएई विरुद्धको अन्तिम खेल जिते पुग्नेछ । नेपालले पछिल्ला ११ मध्ये १० खेल जितेर सनसनी मच्याइरहेको छ ।

प्रकाशित मिति: सोमबार, फागुन २९, २०७९ १२:५३

प्रतिक्रिया दिनुहोस्