एसिया कप छनोटको दोेस्रो चरणमा स्थान बनाएर फर्कियो नेपाली महिला फुटबल टोली

खेलकुद

गृहपृष्ठ
खेलकुद
एसिया कप छनोटको दोेस्रो चरणमा स्थान बनाएर फर्कियो नेपाली महिला फुटबल टोली

एसिया कप छनोटको दोेस्रो चरणमा स्थान बनाएर फर्कियो नेपाली महिला फुटबल टोली

मंगलबार, फागुन ३०, २०७९ बागेश्वरी पोस्ट

नेपालगन्ज । नेपाली यू–२० महिला फुटबल टोली आज बिहान दुवै खेल जितेर स्वदेश फर्किएको छ ।

एसिया कप छनोटको दोेस्रो चरणमा स्थान पक्का गरेको नेपाली टोली आज बिहान २ बजे स्वदेश फर्किएको हो ।

महिला टोलीलाई अखिल नेपाल फुटबल एन्फाका पदाधिकारीले स्वागत गरेका थिए । समूह बी मा रहेको नेपाल दुई खेलमा शतप्रतिशत नतिजाका साथ शीर्ष स्थानमा रहेर दोस्रो चरण प्रवेश गरेको छ ।

नेपाल पहिलो खेलमा प्यालेस्टाइन र दोस्रो खेलमा नर्दन मारियाना आइसल्यान्डमाथि समान ६–० को जित निकाल्दै स्वदेश फर्किएको हो ।

यूएईले नाम फिर्ता लिएपछि समूह बी मा नेपाल, प्यालेस्टाइन र नर्दन मारियाना आइसल्यान्ड मात्र प्रतिस्पर्धामा थिए ।

प्रकाशित मिति: मंगलबार, फागुन ३०, २०७९ ११:१४

प्रतिक्रिया दिनुहोस्