जानकी गाउँपालिकामा दोस्रो गाउँपालिका स्तरीय क्रिकेट प्रतियोगिता सम्पन्न

खेलकुद

गृहपृष्ठ
खेलकुद
जानकी गाउँपालिकामा दोस्रो गाउँपालिका स्तरीय क्रिकेट प्रतियोगिता सम्पन्न

जानकी गाउँपालिकामा दोस्रो गाउँपालिका स्तरीय क्रिकेट प्रतियोगिता सम्पन्न

मंगलबार, फागुन ३०, २०७९ बागेश्वरी पोस्ट

नेपालगञ्ज । बाँकेको जानकी गाउँपालिकामा दोस्रो गाउँपालिका स्तरीय क्रिकेट प्रतियोगिता सम्पन्न भएको छ । 'स्वास्थ्यको लागि खेल राष्ट्रको लागि खेलकुद' भन्ने मूल नाराका साथ जानकी गाउँपालिका वडा नम्वर ३ को आर्थिक सहयोग र रमवापुर स्पोर्ट्स क्लबको आयोजनामा दोस्रो गाउँपालिका स्तरीय क्रिकेट प्रतियोगिता आज सम्पन्न भएको हो ।

माघ १५ गतेदेखि सुरु भएको क्रिकेट प्रतियोगितामा १५ वटा क्लबले भाग लिएका थिए । समापन कार्यक्रममा बोल्दै गाउँपालिकाका अध्यक्ष छब्बन खाँले खेलकुदमार्फत देशलाई बिश्वमै चिनाएको र यसले देशको प्रतिष्ठा बनाउन पनि मद्दत पुर्याउने भन्दै पालिका यस्ता गतिबिधिका लागि गम्भीर रहेको बताएका छन् । वडा नम्वर ३ का वडा अध्यक्ष राजकुमार कुर्मीले खेल क्षेत्रले सकारात्मक प्रतिस्पर्धाको भावना जागृत गर्ने भन्दै सहकार्य गर्न तयार रहेको बताए । क्रिकेट प्रतियोगिताको समापन कार्यक्रममा सामाजिक विकास संयोजक रामआँचल धोवी, प्रमुख प्रशासकीय अधिकृत सिंहराज डाङ्गी लगायतको उपस्थिति रहेको थियो ।

No description available.

प्रतियोगितामा पठान पल्टन स्पोर्ट्स वुढियागाउँ प्रथम र मानपुर स्पोर्ट्स राईजिङ्ग क्लव दोस्रो भएका थिए । प्रतियोगितामा प्रथम हुने पठान पल्टनलाई १५ हजार र दोस्रो हुने मानपुरलाई ७ हजार ५ सय रुपैयाँसहित प्रमाणपत्र प्रदान गरिएको थियो । पठानको पुरस्कार शेर खान र मानपुरको पुरस्कार सुरज दासलाई दिइएको थियो ।

प्रकाशित मिति: मंगलबार, फागुन ३०, २०७९ २०:३१

प्रतिक्रिया दिनुहोस्