यूएईलाई हराउँदै नेपाल विश्वकप छनौटमा

खेलकुद

गृहपृष्ठ
खेलकुद
यूएईलाई हराउँदै नेपाल विश्वकप छनौटमा

यूएईलाई हराउँदै नेपाल विश्वकप छनौटमा

बिहीबार, चैत २, २०७९ बागेश्वरी पोस्ट

नेपालगन्ज । आइसिसी विश्वकप लिग- २ अन्तर्गतको अन्तिम खेलमा यूएईविरुद्ध नेपाल विजयी बनेको छ ।

यूएईलाई पराजित गर्दै नेपाल जिम्वावेमा हुने एकदिवसीय विश्वकपको छनोटमा पुगेको छ ।

लिग २ को अन्तिम खेलमा युएईलार्य डिएल मेडथमा ९ रनले हराउँदै नेपाल विश्वकप छनोटमा पुगेको हो ।

कीर्तिपुरमा मैदानमा आज बिहान पहिले ब्याटिङ गरेको यूएईले ५० ओभरमा ६ विकेटको नोक्सानीमा ३१० रन बनाएको थियो । जवाफी ब्याटिङमा उत्रेको नेपालले ४४ ओभरमा ६ विकेटको नोक्सानीमा २६९ रन बनाउँदा खेल रोकिएको हो ।

आईसीसीको नियमअनुसार डिएल मेडथका आधारमा नेपाल ९ रनले विजयी बनेको हो । यो जितसँगै नेपाल ४० अंकका साथ आईसीसी क्रिकेट विश्वकप लिग २ को तेस्रो स्थानमा उक्लिँदै जिम्वावेमा हुने विश्वकप छनोटमा पुगेको हो ।

अंंक तालिका

स्कटल्याण्ड ५० अंकसहित शीर्ष स्थानमा रहेर च्याम्पियन बनेको छ । दोस्रो स्थानको ओमानको ४४ अंक छ । तेस्रो स्थानको नेपालको ४० अंक छ । चौथोमा झरेको नामिबियाको ३९ अंक छ ।

अमेरिकाको ३५ अंक रहेको छ । अमेरिकाले एक दिवसीय मान्यता सुरक्षित राखेको छ । यूएई ३३ अंक र पपुवा न्युगिनी ११ अंकबाट एक दिवसीय मान्यता गुमाउन वाध्य भएको छ ।

प्रकाशित मिति: बिहीबार, चैत २, २०७९ १७:४२

प्रतिक्रिया दिनुहोस्