राष्ट्रिय क्रिकेट खेलाडीलाई जनही ३ लाख रुपैयाँ पुरस्कार दिने प्रधानमन्त्रीको घोषणा

खेलकुद

गृहपृष्ठ
खेलकुद
राष्ट्रिय क्रिकेट खेलाडीलाई जनही ३ लाख रुपैयाँ पुरस्कार दिने प्रधानमन्त्रीको घोषणा

राष्ट्रिय क्रिकेट खेलाडीलाई जनही ३ लाख रुपैयाँ पुरस्कार दिने प्रधानमन्त्रीको घोषणा

शुक्रबार, चैत ३, २०७९ बागेश्वरी पोस्ट

नेपालगन्ज । यूएईलाई पराजित गर्दै विश्वकप क्रिकेटको छनौट खेलमा पुगेको नेपाली राष्ट्रिय क्रिकेट टोलीलाई जनही ३-३ लाख रुपैयाँ पुरस्कार दिने प्रधानमन्त्री पुष्पकमल दाहाल प्रचण्डले घोषणा गरेका छन् ।

आज बिहान विजेता खेलाडीहरूलाई प्रधानमन्त्रीको सरकारी निवास बालुवाटारमा सम्मान गर्दै प्रधानमन्त्री दाहालले जनही ३-३ लाख रुपैयाँ पुरस्कार दिने घोषणा गरेका हुन् ।

प्रधानमन्त्रीले हिजो नेपालले यूएईविरुद्ध गरेको प्रदर्शनबाट आफू अत्यन्तै खुसी भएको बताए । "हिजो तपाईंहरूले जसरी प्रदर्शन गर्नुभयो, त्यसबाट तपाईंहरूले मात्र जित्नुभएको छैन, देशले जितेको छ’, प्रधानमन्त्री दाहालले भने, ‘देशको स्वाभिमान उच्च भएको छ, राष्ट्रको गौरव बढेको छ । आगामी दिनमा समेत तपाईंहरूको प्रदर्शन थप राम्रो होस्, म अग्रिम शुभकामना व्यक्त गर्दछु ।"

प्रधानमन्त्री दाहालले तत्काल कीर्तिपुरस्थित त्रिवि मैदानमा आधुनिक फ्लटलाइट र स्कोरबोर्ड जडान गर्न राष्ट्रिय खेलकुद परिषदलाई निर्देशन समेत दिएका छन् । साथै नेपाली राष्ट्रिय क्रिकेट टोलीलाई जिम्वावेमा छनौट खेलमा विजयी बनेर भारतमा हुने विश्वकपमा पुग्न प्रधानमन्त्री दाहालले शुभकामना समेत दिएका छन् ।

प्रकाशित मिति: शुक्रबार, चैत ३, २०७९ १०:३३

प्रतिक्रिया दिनुहोस्