जहाजमा क्षमता भन्दा बढी सामान बोक्ने नेपाल एयरका चालक दलसहित ७ जनालाई काम गर्न रोक

अर्थ

गृहपृष्ठ
अर्थ
जहाजमा क्षमता भन्दा बढी सामान बोक्ने नेपाल एयरका चालक दलसहित ७ जनालाई काम गर्न रोक

जहाजमा क्षमता भन्दा बढी सामान बोक्ने नेपाल एयरका चालक दलसहित ७ जनालाई काम गर्न रोक

बुधबार, चैत ८, २०७९ बागेश्वरी पोस्ट

नेपालगन्ज । नेपाल वायुसेवा निगमको ट्वीनअटर जहाजका चालक दलसहित सात जनालाई नेपाल नागरिक उड्डयन प्राधिकरणले निलम्बन गरेको छ ।

सोमबार ताप्लेजुङबाट काठमाडौँ उडान भरेको निगमको नाइन एन एबीटी विमानमा लोड सिटमा भन्दा एक सय पाँच केजी बढी सामान बोकेको पाइएपछि उनीहरूलाई काम गर्न रोक लगाइएको प्राधिकरणका प्रवक्ता जगन्नाथ निरौलाले जानकारी दिएका छन् ।

उक्त विमानमा क्षमता भन्दा बढी सामान बोकेको र पुरुष यात्रुलाई महिला यात्रुका रूपमा यात्रा गराएको पनि पाइएकाले कारबाही गरिएको प्रवक्ता निरौलाले बताए ।

जहाजले क्षमता भन्दा बढी सामान बोकेको सूचना पाएपछि प्राधिकरणले जाँच गर्दा कागजमा देखाइएको भन्दा बढी तौल भेटिएपछि उडान अनुशासन पालना नगरेकाले जहाजका चालक दलसहित ग्राउण्डेड गरिएको प्राधिकरणले उल्लेख गरेको छ ।

प्राधिकरणले चालक दलका तीन जना, निगमको मार्केटिङ कर्मचारी र डिसप्याचरसहित सात जनालाई निलम्बन गरेको हो । घटनाबारे आवश्यक छानबिन गरिने प्राधिकरणले जनाएको छ ।

प्रकाशित मिति: बुधबार, चैत ८, २०७९ ०८:१५

प्रतिक्रिया दिनुहोस्