एसीसी प्रिमिएर कपमा नेपाल र ओमान एउटै समूहमा

खेलकुद

गृहपृष्ठ
खेलकुद
एसीसी प्रिमिएर कपमा नेपाल र ओमान एउटै समूहमा

एसीसी प्रिमिएर कपमा नेपाल र ओमान एउटै समूहमा

बिहीबार, चैत ९, २०७९ बागेश्वरी पोस्ट

फाइल फोटो

नेपालगन्ज । एसीसी प्रिमियर कप क्रिकेटको खेल तालिका अन्तर्गत नेपाल समूह 'ए' मा परेको छ । एसियाली क्रिकेट परिषद (एसीसी) ले आज सार्वजनिक गरेको खेल तालिका अनुसार उद्घाटन खेल नेपाल र मलेसियाबीच हुने भएको छ ।

आगामी बैशाख ५ गतेबाट नेपालमा हुने प्रतियोगितामा नेपालले उद्घाटन खेलमा मलेसियासँग कीर्तिपुर मैदानमा खेल्नेछ । १० राष्ट्रको सहभागीता रहने प्रतियोगिताको समूह 'ए' मा नेपालसहित मलेसिया, साउदी अरेबिया, कतार र ओमान रहेका छन् । समूह बी मा बहराइन, कुवेत, सिंगापुर, हङकङ र यूएई रहेका छन् ।

हरेक समूहका शीर्ष स्थानमा रहने दुई टोली सेमिफाइनलमा पुग्नेछन् । उपाधि विजेता टोली एसिया कपका लागि छनोट हुनेछ । एसिया कप आगामी सेप्टेम्बरमा आयोजना हुनेछ ।

यस्तै शीर्ष तीनमा रहने टोली एसिया ईमर्जिङ कपका लागि छनोट हुनेछ । नेपाललाई विजेता बनेर एसिया कप खेल्ने सुन्दर अवसर रहेको छ ।नेपालले यसअघि एक दिवसीय विश्वकपमा सिधै छनोट खेल्ने अवसर पाएको छ भने शीर्ष पाँचभित्र रहेर एक दिवसीय मान्यतालाई कायमै राखेको छ ।

प्रकाशित मिति: बिहीबार, चैत ९, २०७९ १८:३६

प्रतिक्रिया दिनुहोस्