नेपाल प्रधानमन्त्री कप त्रिदेशीय फुटबलको फाइनलमा

खेलकुद

गृहपृष्ठ
खेलकुद
नेपाल प्रधानमन्त्री कप त्रिदेशीय फुटबलको फाइनलमा

नेपाल प्रधानमन्त्री कप त्रिदेशीय फुटबलको फाइनलमा

मंगलबार, चैत १४, २०७९ बागेश्वरी पोस्ट

नेपालगन्ज । नेपाल भुटानसँग बराबरी खेल्दै नेपाल प्रधानमन्त्री त्रिदेशीय पुरुष फुटबल प्रतियोगिताको फाइनलमा पुगेको छ । त्रिपुरेश्वरस्थित दशरथ रङ्गशालामा आज भएको खेलमा नेपालले भुटानसँग १–१ गोलको बराबरीमा खेलेको हो । नेपाल र भुटानले पहिलो पटक बराबरी खेलेका हुन् ।

खेलमा पहिलो अग्रता भने भुटानले लियो । फितलो प्रदर्शन गरेको नेपालले खेलको पहिलो हाफमा नै एक गोल खायो । खेलको २० औँ मिनेटमा नै भुटानले अग्रता लियो । भुटानका दावा छिरिङको कर्नरमा तेन्जिङ नोर्बुले हेडमार्फत गोल गरेका थिए ।

नेपालले खेलको ९०औँ मिनेटमा १ गोल गर्दै बराबरीमा फर्किएको थियो । नेपाललका दीपकराजसिंह ठकुरीले १ गोल गरे । यसअघि चैत ८ गते भएको पहिलो खेलमा नेपालले लाओसलाई २–० गोलअन्तरले परािजत गरेको थियो । त्यतिबेला नेपालको जितमा जितमा अनन्त तामाङ र नवयुग श्रेष्ठले एक एक गोल गरेका थिए ।

यस खेलसँगै अब फाइनल खेलमा नेपाल र लाओस भिड्ने पक्का भएको छ । नेपाल चार अङ्कसहित शीर्ष स्थानमा छ भने लाओस तीन अङ्काका साथ दोस्रो स्थानमा छ । यस खेलसँगै भुटान एक अङ्क जोड्दै प्रतियोगिताबाट बाहिरियो । फाइनल खेल यही चैत १७ गतेसम्म हुनेछ ।

प्रतियोगिताको विजेता टोलीले पाँच हजार अमेरिकी डलर प्राप्त गर्नेछन् भने उपविजेता हुने टोलीले तीन हजार अमेरिकी डलर पाउनेछन् ।

प्रकाशित मिति: मंगलबार, चैत १४, २०७९ २१:२२

प्रतिक्रिया दिनुहोस्