युरोकप छनौट: स्क्टल्याण्डसँग स्पेन २-० गोलले पराजित

खेलकुद

गृहपृष्ठ
खेलकुद
युरोकप छनौट: स्क्टल्याण्डसँग स्पेन २-० गोलले पराजित

युरोकप छनौट: स्क्टल्याण्डसँग स्पेन २-० गोलले पराजित

बुधबार, चैत १५, २०७९ बागेश्वरी पोस्ट

भोला खड्का /काठमाडौं । सन् २०२४ मा जर्मनीमा आयोजना हुने युरोकपको छनोट अन्तर्गत आज बिहान सम्पन्न समूह 'ए' को खेलमा स्क्टल्याण्डले स्पेनलाई पराजित गर्दै समूहको शिर्ष स्थानमा उक्लिएको छ । स्क्टल्याण्डले स्पेनलाई २-० गोलले पराजित गरेको हो ।

समूहल चरणकै आज बिहान सम्पन्न समूह 'डी' को खेलमा क्रोएसिया र वेल्स विजयी भएका छन् । समूह चरणकै खेलमा क्रोएसियाले टर्कीलाई २-० गोलले पराजित गरेको छ भने वेल्सले लाटभियालाई १-० गोलले पराजित गरेको हो । यो समूहमा क्रोएसियासँगै वेल्स, टर्की, लाटभिया र अर्मेनिया छन् ।

समूह 'आई' तर्फको खेलमा स्विजरल्याण्ड र रोमानिया जित निकाल्दै अंक बढाएका छन् । स्विजरल्याण्डले इजरायललाई ३-० गोलले पराजित गर्दै समूहको शिर्ष स्थानमा उक्लिएको छ भने रोमानियाले बेलारुसलाई २-१ गोलले पराजित गर्दै दोस्रो स्थानमा उक्लिएको हो ।

त्यस्तै अण्डोरा र कोसोभोको खेल १-१ गोलको बराबरीमा टुंगिएको थियो । यो सँगै स्विजरल्याण्ड र रोमानिया ६-६ अंक भएपनि गोल संख्याका आधारमा स्विजरल्याण्ड शिर्ष स्थानमा छ ।

मंगलबार राति भएको समूह ' ए ' तर्फको खेलमा नर्वे र जर्जिया १-१ गोलको बराबरी खेलेका छन् । यसअघिको पहिलो खेलमा नर्वे स्पेनसँग ३-० गोलले पराजित भइसकेको थियो । समूह 'ए' मा नर्वेसँगै स्पेन, स्क्टल्याण्ड, जर्जिया र साइप्रस रहेका छन् ।

प्रकाशित मिति: बुधबार, चैत १५, २०७९ ०२:२८

प्रतिक्रिया दिनुहोस्