आईपीएलको पहिलो खेलमा गुजरातले चेन्नईलाई ५ विकेटले हरायो

खेलकुद

गृहपृष्ठ
खेलकुद
आईपीएलको पहिलो खेलमा गुजरातले चेन्नईलाई ५ विकेटले हरायो

आईपीएलको पहिलो खेलमा गुजरातले चेन्नईलाई ५ विकेटले हरायो

शनिबार, चैत १८, २०७९ बागेश्वरी पोस्ट

नेपालगन्ज । १६औं इन्डियन प्रिमियर लिग (आईपीएल) को पहिलो खेलमा गुजरात टाइटन्सले चेन्नई सुपरकिंग्सलाई ५ विकेटले पराजित गरेको छ ।

गुजरातले गएराती भएको पहिलो खेलमा ४ पटकसम्मको आईपीएल च्याम्पियन चेन्नाई सुपरकिंग्सलाई ५ विकेटले पराजित गर्दै विजयी सुरुवात गरेको छ ।

अहमदावादस्थित नरेन्द्र मोदी स्टेडियममा चेन्नईले दिएको १७९ रनको लक्ष्य गुजरातले १९.२ ओभरमा ५ विकेट गुमाउँदै विजयी बनेको थियो ।

गुजरातका लागि ओपनर शुभमन गिलले सर्वाधिक ६३ रन बनाए । त्यस्तै विजय शंकरले २७ रन बनाए भने अर्का ओपनर ऋद्धिमन शाहले २५ रन बनाए । त्यस्तै साइ सुदर्शनले २२ रन बनाउँदा कप्तान हार्दिक पाण्ड्या ८ रनमै आउट भए ।

त्यसअघि टस हारेर ब्याटिङको निम्तो पाएको चेन्नईले २० ओभरमा ७ विकेट गुमाएर १७८ रनको योगफल तयार गरेको थियो ।

चेन्नईका लागि ओपनर रूतुराज गायकवाडले सर्वाधिक ९२ रन बनाए । ५० बल खेलेका उनले ४ चौका र ९ छक्का प्रहार गरे ।

प्रकाशित मिति: शनिबार, चैत १८, २०७९ ०९:४९

प्रतिक्रिया दिनुहोस्