ललितपुरको महिन्द्रा सर्भिसिङ सेन्टरमा आगलागी, आधा दर्जन बढी गाडी जले

अर्थ

गृहपृष्ठ
अर्थ
ललितपुरको महिन्द्रा सर्भिसिङ सेन्टरमा आगलागी, आधा दर्जन बढी गाडी जले

ललितपुरको महिन्द्रा सर्भिसिङ सेन्टरमा आगलागी, आधा दर्जन बढी गाडी जले

सोमबार, चैत २०, २०७९ बागेश्वरी पोस्ट

फाइल फोटो

नेपालगन्ज । महिन्द्रा कारको सर्भिसिङ सेन्टरमा आज भीषण आगलागी हुँदा करोडौंको क्षति भएको छ ।

ललितपुरको कुपण्डोलस्थित महिन्द्रा कारको सर्भिसिङ सेन्टरमा आज बिहान पौने ५ बजे आगलागी हुँदा ७ वटा गाडी जलेका छन् । आगलागीमा ३ वटा मोटरसाइकल र ३ वटा स्कुटर पनि जलेको ललितपुर प्रहरीले जानकारी दिएको छ । आगलागी सवा ५ बजे नियन्त्रणमा लिएको प्रहरीले जनाएको छ ।

आगलागीमा ७ वटा चारपांग्रे गाडी र ६ वटा दुई पांग्रे गाडी जलेर नष्ट भएको विवरण प्रहरीले दिएको छ भने सर्भिसिङ सेन्टरमा जलेका मध्ये केही इलेक्ट्रिक गाडीहरु पनि रहेका छन् ।

ती गाडीहरु सर्भिसिङमा ल्याइएका हुन सक्ने अनुमान प्रहरीले गरेको छ । आगलागी कसरी भयो भन्ने बारेमा एकिन तथ्य फेला नपरे पनि यसबारेमा प्रहरीले अनुसन्धान गरिएहेको जनाएको छ ।

प्रकाशित मिति: सोमबार, चैत २०, २०७९ १०:०२