आईपीएल: केकेआरले आरसीबीलाई ८१ रनले हरायो

खेलकुद

गृहपृष्ठ
खेलकुद
आईपीएल: केकेआरले आरसीबीलाई ८१ रनले हरायो

आईपीएल: केकेआरले आरसीबीलाई ८१ रनले हरायो

शुक्रबार, चैत २४, २०७९ बागेश्वरी पोस्ट

नेपालगन्ज । कोलकाता नाइट राइडर्स (केकेआर) ले इन्डियन प्रिमियर लिग (आईपीएल) टी–२० क्रिकेटको आफ्नो दोस्रो खेलमा रोयल च्यालेन्जर्स बैंगलोर (आरसिबी) लाई नराम्रो हार चखाएको छ ।

गएराति कोलकाताको इडन गार्डेन स्टेडियममा भएको खेलमा टस हारेर कोलकाताले पहिलो व्याटिङ गर्दै बैंगलोरलाई २०५ रनको चुनौती दिएको थियो । जवाफी व्याटिङमा उत्रेको बैंगलोरले १७.४ ओभरमा अल आउट हुँदै १२३ रन मात्र बनाउँदा कोलकाता नाइट राइडर्स ८१ रनले विजयी बनेको हो ।

बैंगलोरका लागि फाफ डु प्लेसिसले सर्वाधिक २३ तथा विराट कोहलीले २१ रन बनाए । त्यस्तै कोलकाता नाइट राइडर्सका शार्दुल ठाकुरले २९ बलमा ६८ तथा रहमानुल्लाह गुर्वाजले ४४ बलमा ५७ रन बनाए । रिंकु सिंहले ३३ बलमा ४६ रन बनाए ।

कोलकाताले यो जितसँगै २ अंक जोडेको छ ।

प्रकाशित मिति: शुक्रबार, चैत २४, २०७९ ०८:३३

प्रतिक्रिया दिनुहोस्