आईपीएल: दिल्ली र मुम्बईले अझै खाता खोल्न सकेनन्

खेलकुद

गृहपृष्ठ
खेलकुद
आईपीएल: दिल्ली र मुम्बईले अझै खाता खोल्न सकेनन्

आईपीएल: दिल्ली र मुम्बईले अझै खाता खोल्न सकेनन्

आइतबार, चैत २६, २०७९ बागेश्वरी पोस्ट

नेपालगन्ज । इन्डियन प्रिमियर लिग (आईपीएल) टी–२० क्रिकेटमा सर्वाधिक सफल टिम मुम्बई इन्डियन्सले लगातार दोस्रो खेलमा हार बेहोरेको छ । पाँच पटकको च्याम्पियन मुम्बईले अहिलेसम्म खाता खोल्न सकेको छैन ।

गएरातिको खेलमा मुम्बई चेन्नई सुपर किंग्ससँग ७ विकेटले पराजत भयो । वाङ्खेडे मैदानमा पहिले ब्याटिङ गरेको मुम्बईले ८ विकेटको क्षतिमा १५७ रन बनायो । जवाफमा चेन्नईले ३ विकेटको क्षतिमा १८.१ ओभरमै जित निकाल्यो । जितसँग चेन्नईले उपाधि दाबेदारीलाई अगाडि बढाएको छ । चेन्नई चार पटकको च्याम्पियन हो ।

चेन्नाई सुपर किंग्सले पुनः दोस्रो खेलमा जीत हासिल गरेको छ । मुम्बईका लागि इशान किशासनले सर्वाधिक ३२ रन जोडे । प्लेयर अफ द म्याच रविन्द्र जडेजाले ३ विकेट लिए । चेन्नईका लागि अजिन्क्या रहानेले २७ बलमा ६१ तथा ऋतुराज गायकवाडले ३६ बलमा अविजित रहँदै ४० रन जोडे ।

दिल्लीको खराब लय

दिल्ली क्यापिटल्सले अहिलेसम्म खेलेका तीन खेलमा सबैमा हार बेहोरेको छ । दिल्लीले शनिबार भएको खेलमा राजस्थान रोयल्ससँग ५७ रनको हार बेहोर्यो ।

पहिले ब्याटिङ गरेको राजस्थानले ४ विकेटको क्षतिमा १९९ रन बनायो । गुवाहाटीमा भएको खेलमा जोस बटलरले ५१ बलमा ७९ रन बनायो । यशस्वी जैसवालले ३१ बलमा ६० रन जोडे ।

जवाफमा दिल्लीले कप्तान डेभिड वार्नरको ६५ रनको मद्धतले ९ विकेटको क्षतिमा १४२ रन मात्र बनाउन सक्यो । युजभेन्द्र चहलले ३ विकेट लिए ।

आज दुई वटा खेल हुनेछन् । पहिलो खेलमा दिउँसो ३ः४५ बजे गुजरात टाइटान्स र कोलकाता नाइट राइडर्स भिड्नेछन् । यो खेल अहमदाबादमा हुनेछ ।

बेलुकी ७ः४५ बजे सनराइजर्स हैदराबादले पञ्जाब किंग्ससँग हैदराबादमा खेल्नेछ ।

अंक तालिका

१० टिम सहभागी प्रतियोगितामा पाँच टिमले समान ४ अंक, दुई टिमले समान २ अंक तथा तीन टिम अंकविहीन छन् ।

शीर्ष स्थानदेखि राजस्थान रोयल्स, लखनउ सुपर जाइन्टस, गुजरात टाइटान्स, चेन्नई सुपर किंग्स, पञ्जाब किंग्स, कोलकाता नाइट राइडर्स, रोयल च्यालेन्जर्स बैंगलोर, मुम्बई इन्डियन्स, दिल्ली क्यापिटल्स र सनराइजर्स हैदराबाद रहेका छन् ।

प्रकाशित मिति: आइतबार, चैत २६, २०७९ ०९:१२