आईपीएल: हैदराबादले तेस्रो खेलमा पहिलो जित निकाल्दै अंक जोडयो

खेलकुद

गृहपृष्ठ
खेलकुद
आईपीएल: हैदराबादले तेस्रो खेलमा पहिलो जित निकाल्दै अंक जोडयो

आईपीएल: हैदराबादले तेस्रो खेलमा पहिलो जित निकाल्दै अंक जोडयो

सोमबार, चैत २७, २०७९ बागेश्वरी पोस्ट

नेपालगन्ज । इन्डियन प्रिमियर लिग (आईपीएल) टी–२० क्रिकेटमा सनराइजर्स हैदराबादले पहिलो जित निकाल्दै अंक जोड्न सफल बनेको छ । हैदराबादले तेस्रो खेलबाट पहिलो जित निकाल्ने क्रममा पन्जाब किंग्सलाई ८ विकेटले हराएको हो ।

हैदराबादमै भएको गएराती खेलमा पन्जाबले पहिलो हार व्यहोर्दा हैदराबादले पहिलो जित दर्ता गरेको हो । पन्जाबले दिएको १४४ रनको लक्ष्य हैदराबादले १७.१ ओभरमा २ विकेट गुमाउँदै पूरा गर्यो ।

हैदराबादको जितमा राहुल त्रिपाठीले ४८ बलमा १० चौका र ३ छक्कासहित अविजित ७४ रन बनाए । कप्तान एडेन माक्ररमले २१ बलमा ६ चौकासहित अविजित ३७ रन बनाए । तेस्रो विकेटका लागि राहुल र माक्ररमले अविजित १ सय रनको साझेदारी गरेका थिए ।

त्यसअघि टस हारेर पहिले ब्याटिङ गरेको पन्जाबले २० ओभरमा ९ विकेट गुमाउँदै १४३ रन बनायो ।

पन्जाबका ओपनर कप्तान शिखर धवनले ६६ बलमा १२ चौका र ५ छक्कासहित अविजित ९९ रन बनाए । तर, उनलाई साथ दिने अरु कोही भएनन् । दोस्रो सर्वाधिक रन साम करनले १५ बलमा २२ बनाएका थिए । बाँकी ९ खेलाडीले दोहोरो अंकमा रन बनाउन सकेनन् ।

हैदराबादका मयंक मारकन्डेले ४ तथा उमरान मलिक, मार्को यानसनले समान २–२ विकेट लिए ।

आजको खेल

आज एउटा मात्र खेल हुँदैछ । आज रोयल च्यालेन्जर्स बैंगलोरले लखनउ सुपर जाइन्टससँग खेल्नेछ ।

प्रकाशित मिति: सोमबार, चैत २७, २०७९ ०८:३२

प्रतिक्रिया दिनुहोस्