आईपीएल: लखनउको रोयल च्यालेन्जर्स बेंगलोरमाथि सनसनीपूर्ण जित

खेलकुद

गृहपृष्ठ
खेलकुद
आईपीएल: लखनउको रोयल च्यालेन्जर्स बेंगलोरमाथि सनसनीपूर्ण जित

आईपीएल: लखनउको रोयल च्यालेन्जर्स बेंगलोरमाथि सनसनीपूर्ण जित

मंगलबार, चैत २८, २०७९ बागेश्वरी पोस्ट

नेपालगन्ज । इन्डियन प्रिमियर लिग (आईपीएल) टी–२० क्रिकेटमा लखनउ सुपर जायन्ट्सले रोयल च्यालेन्जर्स बेंगलोरमाथि सनसनीपूर्ण जित निकालेको छ । लखनउ अन्तिम बलमा नतिजा निकाल्दै १ विकेटले विजयी भएको हो ।

यो जितसँगै लखनउ अंक तालिकाको शीर्ष स्थानमा पुग्न समेत सफल भएको छ । जितका लागि २१३ रनको यो सिजनकै सबैभन्दा बढी लक्ष्य पाएको लखनउले ९ विकेट गुमाएर २० ओभरमा जित हासिल गरेको हो ।

लखनउका लागि मार्कस स्टोइनसले ३० बलमा ६५ तथा निकोलस पुरनले १९ बलमा ६२ रन बनाए । पुरनले १५ बलमा अर्धशतक पूरा गरेर यो सिजनकै सर्वाधिक कम बलमा अर्धशतक बनाउने रेकर्ड समेत लेखाएका छन् ।

बैंगलोरका लागि मोहम्मद सिराज र वाइने पार्नेलले ३–३ विकेट लिए ।

त्यस अगाडि बैंगलोरले शानदार ब्याटिङ गर्दै २ विकेटको क्षतिमा २१२ रन बनाएको थियो । यो योगफल जारी सिजनकै सर्वाधिक रन थियो । कप्तान फाफ डु फ्लेसिसले अविजित रहँदै ७९ रन बनाए । त्यस्तै विराट कोहलीले ६१ र ग्लेन म्याक्सवेलले ५९ रन बनाए ।

फ्लेसिसले यो सिजनकै सर्वाधिक लामो छक्कासमेत प्रहार गरे । उनले ११५ मिटर टाढा प्रहार गरेका थिए ।

अंक तालिका

लखनउ ४ खेलबाट ६ अंकसहित शीर्ष स्थानमा पुगेको छ । ४ अंकसहित राजस्थान रोयल्स, कोलकाता नाइट राइडर्स, गुजरात टाइटान्स, चेन्नई सुपर किंग्स र पंजाब किंग्स क्रमशः दोस्रोदेखि छैटौं स्थानसम्म रहेका छन् । बैंगलोर र सनराइजर्स हैदराबादले २ अंक बटुलेका छन् । मुम्बई इन्डियन्स र दिल्ली क्यापिटल्स अंकविहीन छन् ।

आजको खेल

आजको खेलमा मुम्बई र दिल्ली खेल्दैछन् । खेल बेलुकी ७ः४५ बजे दिल्लीमा हुँदैछ । यो खेलको नतिजासँगै अंकविहीन हुने आज एक मात्र टिम हुनेछ ।

प्रकाशित मिति: मंगलबार, चैत २८, २०७९ ०८:२८

प्रतिक्रिया दिनुहोस्