मिटरब्याज पीडित र प्रहरीबीच काठमाडौंमा झडप

अर्थ

गृहपृष्ठ
अर्थ
मिटरब्याज पीडित र प्रहरीबीच काठमाडौंमा झडप

मिटरब्याज पीडित र प्रहरीबीच काठमाडौंमा झडप

सोमबार, वैशाख ४, २०८० बागेश्वरी पोस्ट

नेपालगन्ज । मिटरब्याज पीडित र प्रहरीबीच झडप भएको छ । केही दिनदेखि देशका विभिन्न ठाउँबाट आएर शान्तिबाटिकामा बसिरहेका मिटरब्याज पीडितहरुले सिंहदरबार घेर्ने कार्यक्रम बनाइरहँदा प्रहरीसँग झडप भएको हो ।

बिहान ११ बजेदेखि प्रमुख सरकारी निकायका कार्यालयमा शान्तिपूर्ण आन्दोलन गर्ने तयारी थियो । सोही क्रममा बिहानदेखि प्रहरीले शान्तिबाटिका घेरेर बसेको र बाहिरबाट ताला लगाइदिएको थियो ।

दिउँसो १ बजेसम्म गेट नखोलेपछि गेट खोल्न आग्रह गर्दा झडप भएको हो ।

झडपमा केही मिटरब्याज पीडित बेहोस भएका छन् भने केही घाइते भएका छन् । केहीलाई प्रहरीले पक्राउ गरेको छ ।

प्रकाशित मिति: सोमबार, वैशाख ४, २०८० १५:१६