एसिसी प्रिमियर कप: १० ओभरमा १ विकेट गुमाउँदै मलेसियाले ५० रन बनायो

खेलकुद

गृहपृष्ठ
खेलकुद
एसिसी प्रिमियर कप: १० ओभरमा १ विकेट गुमाउँदै मलेसियाले ५० रन बनायो

एसिसी प्रिमियर कप: १० ओभरमा १ विकेट गुमाउँदै मलेसियाले ५० रन बनायो

मंगलबार, वैशाख ५, २०८० बागेश्वरी पोस्ट

नेपालगन्ज । आजदेखि काठमाडौंमा सुरु भएको एसिसी प्रिमियर कप क्रिकेट प्रतियोगिता अन्तर्गतको उद्घाटन खेलमा नेपालले मलेसियाविरुद्ध बलिङ गरिरहेको छ ।

त्रिभुवन विश्वविद्यालयको कीर्तिपुर मैदानमा भइरहेको खेलमा नेपालले मलेसियाविरुद्ध १ विकेट लिइसकेको छ । व्याटिङ गरिरहेको मलेसियाले १० ओभरमा ५० रन बनाएको छ ।

मलेसियाका विरनदीप सिंह २९ बलमा ८ रनमा क्रिजमा छन् । कप्तान अहमद फैज १३ बलमा ४ चौकासहित २१ रनमा क्रिजमा छन् । नेपालले तीव्र गतिका बलर सोमपाल कामीलाई चोभार एण्ड र गुलशन झालाई टियु एण्डबाट सुरुवातमा बलिङ गराएको थियो ।

मलेसियालाई ओपनर मोहम्मद आमिर र विरनदीप सिंहले ५।५ ओभरमा २२ रनको साझेदारी गरेका थिए । गुलशन झाको बलमा कभरमा सट खेल्ने धुनमा आमिर १७ रनमा दीपेन्द्रसिंह ऐरीबाट सहज क्याच आउट भएका थिए । उनले १८ बलमा ३ चौका प्रहार गरेका छन् ।

प्रकाशित मिति: मंगलबार, वैशाख ५, २०८० १०:३६