राष्ट्रपति पौडेललाई थप उपचारका लागि नयाँ दिल्ली लगियो

स्वास्थ्य

गृहपृष्ठ
स्वास्थ्य
राष्ट्रपति पौडेललाई थप उपचारका लागि नयाँ दिल्ली लगियो

राष्ट्रपति पौडेललाई थप उपचारका लागि नयाँ दिल्ली लगियो

बुधबार, वैशाख ६, २०८० बागेश्वरी पोस्ट

नेपालगन्ज । शिक्षण अस्पताल महाराजगञ्जमा भर्ना भएका राष्ट्रपति रामचन्द्र पौडेललाई थप उपचारका लागि भारतको राजधानी नयाँ दिल्ली लगिएको छ ।

राष्ट्रपति पौडेललाई थप उपचारका लागिबआज बिहान ९ः३० बजे श्रीएयरलाइन्सको विमान चार्टर्ड गरेर भारत लगिएको लागिएको राष्ट्रपतिका प्रेस सल्लाहकार किरण पोखरेलले जानकारी दिएका छन् ।

पौडेलको छातीमा सङ्क्रमण भएको बताइएको छ । सङ्क्रमण कम नभएपछि थप उपचारका लागि भारत लगिएको बताइएको छ ।

निजी चिकित्सक निरज बमका अनुसार राष्ट्रपति पौडेलले यसअघि पनि शिक्षण अस्पताल र भारतको एम्स अस्पतालमा उपचार गराइरहेकामा एम्सका चिकित्सकको टोलीले राष्ट्रपतिलाई एम्समै ल्याउन भनेसँगै विमान चार्टर्ड गरेर लगिएको हो ।

महाराजगन्जस्थित राष्ट्रपति भवन शीतल निवासमै बेहोश भएपछि उनी हिजो साँझ शिक्षण अस्पताल महाराजगञ्जमा भर्ना भएका हुन् । उनलाई के भएको भन्ने बारेमा पत्ता नलागेको र उपचारका लागि नयाँ दिल्ली लगिएको हो ।

प्रकाशित मिति: बुधबार, वैशाख ६, २०८० १०:३२