एसिसी प्रिमियर कप: यूएई र ओमान विजयी, नेपाल समूह 'ए' को शिर्षमा

खेलकुद

गृहपृष्ठ
खेलकुद
एसिसी प्रिमियर कप: यूएई र ओमान विजयी, नेपाल समूह 'ए' को शिर्षमा

एसिसी प्रिमियर कप: यूएई र ओमान विजयी, नेपाल समूह 'ए' को शिर्षमा

बुधबार, वैशाख ६, २०८० बागेश्वरी पोस्ट

नेपालगन्ज । काठमाडौंमा जारी एसिसी प्रिमियर कप क्रिकेटको आज भएका खेलहरुमा यूएई र ओमान विजयी भएका छन् ।

कीर्तिपुरमा भएको खेलमा यूएईले कुवेतलाई १४३ रनले पराजित गर्यो भने मूलपानीमा भएको खेलमा ओमानले कतारलाई ४० रनले पराजित गर्दै २ अंक जोडेका छन् ।

कुवेतविरुद्धको खेलमा यूएईका रोहन मुस्ताफा र वृत्य अरविन्दले १४७ बलमा १७ चौका र ९ छक्काको सहयोगमा १८५ रन बनाए । त्यस्तै मुस्ताफाले १ सय २४ बलमा १० चौका र ४ छक्काको मद्धतले ११८ रन बनाएका थिए ।

जवाफमा उत्रेको कुवेतले ३६. ३ ओभरमा अलआउट हुँदै २२८ रन मात्र बनायो । कुवेतका लागि सायद मोनिबले ३६ बलमा ६८ तथा परविन्दर कुमारले २६ बलमा ५३ रन बनाएका हुन् ।

त्यस्तै मुलपानीमा भएको आजको अर्को खेलमा ओमानले कतारलाई ४० रनले पराजित गरेको छ । पहिले ब्याटिङ गरेको ओमानले ८ विकेटको क्षतिमा २४९ रन बनायो । जवाफमा कतारले ४७.२ ओभरमा अलआउट हुँदै २०९ रन मात्र बनाउन सक्यो ।

यो खेलपछि समूह 'ए' बाट मलेसियालाई हराएको नेपाल २ अंकसहित शीर्ष स्थानमा छ भने ओमान २ अंकबाटै दोस्रो स्थानमा छ ।

त्यस्तै समूह बी मा यूएई र हङकङको २–२ अंक भएको छ ।

प्रकाशित मिति: बुधबार, वैशाख ६, २०८० १७:४७

प्रतिक्रिया दिनुहोस्