एसिसी प्रिमियर कप: नेपालले दियो ओमानलाई ३११ रनको चुनौती

खेलकुद

गृहपृष्ठ
खेलकुद
एसिसी प्रिमियर कप: नेपालले दियो ओमानलाई ३११ रनको चुनौती

एसिसी प्रिमियर कप: नेपालले दियो ओमानलाई ३११ रनको चुनौती

शुक्रबार, वैशाख ८, २०८० बागेश्वरी पोस्ट

नेपालगन्ज । काठमाडौंमा जारी एसिसी प्रिमियर कप क्रिकेटको समूह 'ए' को दोस्रो खेलमा नेपालले ओमानलाई ३११ रनको चुनौती दिएको छ।

नेपालले ५० ओभरमा ८ विकेट गुमाउदै ३१० रन पूरा गरेको छ। नेपालका लागि सर्वाधिक रन कुशल मल्लले बनाएका छन् । मल्लले ६४ बलमा १०८ रन बनाएका छन् । उनले ९ छक्का र ९ चौका प्रहार गरे। त्यस्तै सोमपाल कामीले सोमपाल कामीले ४८ बलमा ६३ रन जोडेका छन् । उनी नटआउट रहे।

त्यस्तै करण केसीले १५ बलमा अविजित रहँदै २९ रन बनाए । नेपालले कमजोर शुरुआत गर्यो। नेपालले रनको खाता खोल्नुअघि नै शुरुआती दुई विकेट गुमाउन पुग्यो ।

नेपालका लागि कुशल भुर्तेल ८ बल र आसिफ शेखले १० बल खेलेर रन नबनाइ आउट भए । नेपालले ४.४ ओभर अर्थात् २८ बलमा पहिलो रन बनाएको थियो ।

तर त्यसपछि आएका भीम सार्की र कप्तान रोहित पौडेलले भने आकर्षक खेले । दुवैले तेस्रो विकेटका लागि ५४ रनको साझेदारी गरे । सो क्रममा रोहित २३ तथा भीम ३३ रन बनाएर आउट भए ।

आरिफ शेखले २९ रन बनाए । त्यस्तै सन्दीप लामिछाने ८ तथा दिपेन्द्र सिंह ऐरी ७ रनमा आउट भए ।

प्रकाशित मिति: शुक्रबार, वैशाख ८, २०८० १२:५५

प्रतिक्रिया दिनुहोस्