कीर्तिपुर मैदानको एउटै खेलमा आजको त्यो ७४१ रन....

खेलकुद

गृहपृष्ठ
खेलकुद
कीर्तिपुर मैदानको एउटै खेलमा आजको त्यो ७४१ रन....

कीर्तिपुर मैदानको एउटै खेलमा आजको त्यो ७४१ रन....

आइतबार, वैशाख १०, २०८० बागेश्वरी पोस्ट

नेपालगन्ज । काठमाडौंमा जारी एसिसी प्रिमियर क्रीकेट कप अन्तर्गत आज कीर्तिपुर मैदानमा भएको खेल निकै रोमाञ्च बनेको छ । कीर्तिपुर मैदानमा भएका ५० ओभरको खेलमा अहिलेसम्मकै सर्वाधिक रन बनेको छ । आज कीर्तिपुर मैदानमा एउटै खेलमा ७४१ रन बनेको हो ।

आज बिहान यूएईले पहिले ब्याटिङ गर्दै सिंगापुरविरुद्ध ४७१ बनाएको छ । ४७२ रनको चुनौतीलाई सामना गर्न जवाफी ब्याटिङमा उत्रेको सिंगापुरले २७० रन बनाएको हो ।

एसिसी प्रिमियर कप क्रिकेट अन्तर्गत भएको यूएई र सिंगापुर बीचको खेलमा ७४१ रन बनेको हो । यो कीर्तिपुर मैदानको कीर्तिमानी रन हो ।

यूएईका भृत्य अरभिन्दले सर्वाधिक १७४ रन बनाउन सफल बने भने कप्तान मुहम्मद वासिमले १६० रन बनाए ।

ओमान–मलेसियाको खेल (मूलपानी मैदान)

मूलपानी मैदानमा भएको अर्को खेलमा ओमानले मलेसियालाई ८ विकेटले पराजित गरेको छ । पहिला ब्याटिङ गरेको मलेसियाले ९ विकेटको क्षतिमा २२७ रन बनायो । मलेसियाका विरनदिप सिंहले सर्वाधिक ९४ रन बनाए ।

जवाफी ब्याटिङमा ओमानले ४१.४ ओभरमा २ विकेट गुमाएर जित हासिल गर्यो । जतिन्दर सिंहले १०१ रन बनाए भने कप्तान जिशन मसुदले अविजित रहँदै ५२ रन बनाएका छन् ।

एसिसी प्रिमियर कप अंक तालिका-

समूह ' ए '

नेपाल - ४ अंक

ओमान- ४ अंक

साउदी अरेबिया - २ अंक

मलेसिया - २ अंक

कतार - शुन्य

समूह ' बी '

यूएई- ४ अंक

हङकङ- ४ अंक

बहराइन- २ अंक