एसीसी प्रिमियर कप: नेपाल र साउदी अरेबिया बीच खेल हुँदै

खेलकुद

गृहपृष्ठ
खेलकुद
एसीसी प्रिमियर कप: नेपाल र साउदी अरेबिया बीच खेल हुँदै

एसीसी प्रिमियर कप: नेपाल र साउदी अरेबिया बीच खेल हुँदै

वर्षाले खेल रोकिन सक्ने सम्भ

सोमबार, वैशाख ११, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रिकेट अन्तर्गत आज नेपालले आफ्नो तेस्रो खेल खेल्दैछ।

नेपालले आज केहिबेरमा साउदी अरेबियासँग खेल्दैछ । पहिलो पटक नेपालले मूलपानी क्रिकेट मैदान एमसीजीमा नेपालले अन्तर्राष्ट्रिय खेल खेल्दै गर्दा आजको खेल पूर्ण हुनेमा भने शंका छ ।

हिजोदेखि उपत्यकामा पर्न थालेको पानीले आज पनि निरन्तरता पाउने देखिएको छ । मौसम पूर्वानुमान महाशाखाका मौसमविद् गोविन्दकुमार झाका अनुसार आज दिनभर उपत्यकाको मौसम बिग्रने छ ।

बिहानसम्म वर्षा भएकामा फेरि पनि वर्षाको सम्भावना रहेको उनले बताए ।

नेपाल र साउदीबीचको खेल बिहान ९ बजे शुरु हुने कार्यक्रम रहेको छ । तर, भिजेको मैदान र अहिलेको मौसमको अवस्था हेर्दा समयमै खेल शुरु हुनेमा शंका छ ।

उपाधि दाबेदार नेपाल आज साउदीलाई हराएर एक खेल अगावै सेमिफाइनलमा स्थान बनाउन चाहन्छ । साउदी पनि नेपाललाई हराएर सेमिफाइनल सम्भावना बलियो बनाउने योजनामा छ ।

नेपाल र साउदीबीच अहिलेसम्म एक खेल भएकोमा नेपाल अपराजित रहेको छ । नेपाल र साउदी बीचको एक मात्र भेट २०१२ मा युएईमा आयोजना भएको एसीसी ट्रफि एलिटमा भएको थियो । त्यो खेल नेपालले ९ विकेटले जितेको थियो ।

जारी प्रतियोगितामा नेपालले यसअघि मलेसिया र ओमानलाई हराएको छ । प्रतियोगितामा १० राष्ट्रको सहभागीता रहेको छ । सहभागी १० राष्ट्रलाई दुई समूहमा विभाजन गरिएको छ ।

समूह ए मा आयोजक नेपालसहित मलेसिया, ओमान, साउदी अरेबिया र कतार रहेका छन् । समूह बी मा बहराइन, कुवेत, सिंगापुर, हङकङ र यूएई रहेका छन् ।

हरेक समूहमा शीर्ष स्थानमा रहने दुई टोली सेमिफाइनल खेल्नेछन् । फाइनलको विजेता टोली एसिया कपका लागि छनोट हुनेछ । एसीया कप आगामी सेप्टेम्बरमा आयोजना हुनेछ ।

यस्तै शीर्ष तीनमा रहने टोली एसीसी इमर्जिङ कपका लागि छनोट हुनेछन् । नेपाल प्रमुख दावेदार हो । आजै कीर्तिपुर मैदानमा हङकङ र बहराइन खेल्नेछ ।

प्रकाशित मिति: सोमबार, वैशाख ११, २०८० ०८:२२

प्रतिक्रिया दिनुहोस्