एसीसी प्रिमियर कप: नेपाल र कुवेत सेमिफाइनलमा भिड्दै

खेलकुद

गृहपृष्ठ
खेलकुद
एसीसी प्रिमियर कप: नेपाल र कुवेत सेमिफाइनलमा भिड्दै

एसीसी प्रिमियर कप: नेपाल र कुवेत सेमिफाइनलमा भिड्दै

बिहीबार, वैशाख १४, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप पुरुष क्रीकेटतर्फ समूह चरणको एक खेल अगावै सेमिफाइनलमा पुगिसकेको नेपालले आज कतारलाई पराजित समूह 'ए' को विजेता बन्न सफल बनेको छ ।

नेपालले अब शनिबार हुने सेमिफाइनलमा समूह 'बी' उपबिजेता कुवेतसँग खेल्नेछ । कुवेतले आज मुलपानी मैदानमा भएको खेलमा हङकङलाई पराजित गर्दै समूहको उपविजेता बनेको हो ।

नकआउट चरणमा एउटा समूहको विजेता अर्को समूहको उपविजेतासंग खेल्ने हुँदा नेपालको भेट कुवेतसँग हुने भएको हो ।

एसीसी प्रिमियर कप क्रिकेटको सेमिफाइनलमा नेपालले कुवेतसँग कीर्तिपुर मैदान र समूह 'बी' को विजेता यूएईले समूह 'ए' को उपविजेता ओमानसँग मुलपानीमा सेमिफाइनल खेल्नेछन् ।

शनिबार हुने दुई सेमिफाइनलका विजेता टोली आगामी सोमबार फाइनल खेल्नेछन् । फाइनलमा विजेता टोलीले एसिया कपमा खेल्न पाउनेछ । एसिया कपमा यो विजेता टोली भारत र पाकिस्तानको समूहमा रहेर खेल्नेछ ।

एसिया कप आगामी सेप्टेम्बरमा आयोजना हुनेछ । यस्तै शीर्ष तीनमा रहने टोली एसीसी इमर्जिङ कपका लागि छनोट हुनेछन् ।

प्रकाशित मिति: बिहीबार, वैशाख १४, २०८० १७:२१

प्रतिक्रिया दिनुहोस्