कीर्तिपुरमा फेरि वर्षा सुरु, नेपाल र कुवेतको खेल पुनः सुरु हुन अझै समय लाग्ने

खेलकुद

गृहपृष्ठ
खेलकुद
कीर्तिपुरमा फेरि वर्षा सुरु, नेपाल र कुवेतको खेल पुनः सुरु हुन अझै समय लाग्ने

कीर्तिपुरमा फेरि वर्षा सुरु, नेपाल र कुवेतको खेल पुनः सुरु हुन अझै समय लाग्ने

शनिबार, वैशाख १६, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रिकेट अन्तर्गत नेपाल र कुवेतबीच भइरहेको सेमिफाइनल वर्षाले अवरुद्ध भएको खेललाई १२:१५ बाट पुनः सुरु हुने भनिएपनि फेरि वर्षा सुरु भएको छ ।

कीर्तिपुर मैदानमा भइरहेको सेमिफाइनल खेलमा नेपालले अहिले ३ विकेटको क्षतिमा १४१ रन बनाएको छ । नेपालले अहिले २३ ओभर खेल्दैछ । खेल वर्षाले रोकिएको छ ।

नेपालका कुशल भुर्तेल अहिलेसम्म सर्वाधिक ४३ रन बनाएर आउट भइसकेका छन् । नेपालका भिम सार्की र आशिफ शेख पनि आउट भइसकेका छन् । अहिले रोहित पौडेल र कुशल मल्ल क्रीजमा छन् । पौडेल ३० र मल्ल ३२ रनका साथ मैदानमा छन् ।

पुनः वर्षा सुरु भएका कारण खेल सुरु हुन अझै समय लाग्ने भएको छ । ग्राउण्ड स्टाफहरु पीच कभर लिएर मैदान छिरेका छन् । खेलका म्याच रेफ्री इफ्तिर अलीले खेललाई अब खेल ५० ओभर नभएर ४५ ओभरको खेलाउने निर्णय गरेका छन् ।

प्रकाशित मिति: शनिबार, वैशाख १६, २०८० १२:११

प्रतिक्रिया दिनुहोस्