४२ ओभरको खेलमा नेपालले कुवेतलाई दियो २८२ रनको लक्ष

खेलकुद

गृहपृष्ठ
खेलकुद
४२ ओभरको खेलमा नेपालले कुवेतलाई दियो २८२ रनको लक्ष

४२ ओभरको खेलमा नेपालले कुवेतलाई दियो २८२ रनको लक्ष

शनिबार, वैशाख १६, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रिकेटका आज भएको सेमिफाइनलको पहिलो इनिङमा नेपालले कुवेतलाई रनको लक्ष दिएको छ। वर्षाका कारण खेललाई ४२ ओभर खेलाइएको सेमिफाइनलमा नेपालले ४२ ओभरमा ९ विकेट गुमाउदै २८१ रन बनाएको छ।

समूह 'ए' को विजेता रहेको नेपालले समूह "बी' को उपबिजेता कुवेतसँग कीर्तिपुर मैदानमा आज बिहानदेखि खेलेको खेललाई करिव २ घण्टा वर्षाले अवरुद्ध बनाएको थियो।

नेपालका लागि सर्वाधिक ९४ रन रोहित पौडेलले बनाएका छन् भने कुशल मल्लले ५७ रन बनाए। त्यस्तै कुशल भुर्तेलले ४३ रन बनाए।

कुवेतले पाउने लक्ष्य डीएल मेथडबाट तय हुँदा १ रन घटेर २८१ कायम भएको हो ।

त्यस्तै समूह 'ए' को विजेता यूएईले आफ्नो इनिङ पूर गरिसकेको छ। उसले ४९.२ ओभरमा सबै विकेट गुमाई २३६ रन बनाएको छ। अहिले समूह 'बी' को उपविजेता ओमान खेल्दैछ। ओमान २२ ओभरमा १०५ रनमा २ विकेट गुमाइसकेको छ।

आज भइरहेको दुई सेमिफाइनलका विजेता टोली आगामी सोमबार फाइनल खेल्नेछन् । फाइनल विजेता टोलीले एसिया कपमा खेल्न पाउनेछ । एसिया कपमा यो विजेता टोली भारत र पाकिस्तानको समूहमा रहेर खेल्नेछ ।

एसिया कप आगामी सेप्टेम्बरमा आयोजना हुनेछ । यस्तै शीर्ष तीनमा रहने टोली एसीसी इमर्जिङ कपका लागि छनोट हुनेछन् ।

प्रकाशित मिति: शनिबार, वैशाख १६, २०८० १४:३२