नेपाल र यूएई एसीसी प्रिमियर कप क्रीकेटको फाइनलमा

खेलकुद

गृहपृष्ठ
खेलकुद
नेपाल र यूएई एसीसी प्रिमियर कप क्रीकेटको फाइनलमा

नेपाल र यूएई एसीसी प्रिमियर कप क्रीकेटको फाइनलमा

शनिबार, वैशाख १६, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रिकेटको फाइनलमा नेपाल र यूएई प्रवेश गरेका छन् ।

नेपाल र कुवेतको खेल वर्षाले प्रभावित भएपछि नेपाल समूह बिजेता भई सेमिफाइनल प्रवेश गरेका आधारमा सोझै फाइनलमा पुगेको छ भने युएईले डीएलएस प्रणालीका आधारमा ओमानलाई हराउँदै फाइनलमा पुगेको हो । युएई २ रनले विजयी हुँदै फाइनल पुगेको हो ।

आज भएको सेमिफाइनलको पहिलो इनिङमा नेपालले कुवेतलाई २८१ रनको लक्ष दिएको छ । डीएल मेथडबाट कुवेतले पायो २८१ रनको लक्ष पाएको हो ।

त्रिवि मैदानमा नेपाल र कुवेतबीचको खेल वर्षाका कारण प्रभावित भयो । वर्षाका कारण ओभर घटाइएको खेलमा नेपालले डीएलएस प्रणालीका आधारमा २८१ रनको लक्ष्य दिएको थियो । जवाफी ब्याटिङ गरेको कुवेतले ८.३ ओभरमा ६ विकेट गुमाएर ३७ रन जोड्दा खेल वर्षाका कारण पुन: रोकिएको थियो ।

कुवेतले २० ओभरसम्म नखेलेका कारण डीएल प्रणालीबाट नतिजा दिन नमिल्ने भएका कारण कुवेत र नेपालबीचको खेल अर्थहीन रह्यो । नेपाल एसीसी प्रिमियर कपमा समूह विजेता भएर सेमिफाइनल प्रवेश गरेका आधारमा फाइनलमा पुगेको हो ।

त्यस्तै युएईले भने डीएलएस प्रणालीका आधारमा ओमानलाई २ रनले पराजित गर्‍यो । युएईले दिएको २३७ रनको लक्ष्य पछ्याएको ओमानले ४३ ओभरमा ६ विकेट गुमाएर १९० रन बनाउँदा वर्षाका कारण खेल स्थगित भएको थियो ।

अब फाइनल खेल सोमबार हुनेछ । कुवेत र ओमानले तेस्रो स्थानका लागि आइतबार खेल्नेछन् ।

नेपालका करण केसीले आज कुवेतविरुद्ध खेलमा एक्लै ५ विकेट लिन सफल भएका छन् ।