एसीसी प्रिमियर कपको फाइनलमा पुगेको नेपाली क्रीकेट टोलीलाई प्रधानमन्त्रीको बधाई

खेलकुद

गृहपृष्ठ
खेलकुद
एसीसी प्रिमियर कपको फाइनलमा पुगेको नेपाली क्रीकेट टोलीलाई प्रधानमन्त्रीको बधाई

एसीसी प्रिमियर कपको फाइनलमा पुगेको नेपाली क्रीकेट टोलीलाई प्रधानमन्त्रीको बधाई

खेलाडीलाई उचित सम्मान गर्ने प्रधानमन्त्रीको घोषणा

शनिबार, वैशाख १६, २०८० बागेश्वरी पोस्ट

फाइल फोटो

नेपालगन्ज । काठमाडौंमा जारी एसीसी प्रिमियर कप क्रिकेटको फाइनलमा प्रवेश गरेको नेपाली राष्ट्रिय क्रीकेट टोलीको प्रधानमन्त्री पुष्पकमल दाहाल प्रचण्डले सरकारले उचित सम्मान गर्ने बताएका छन् ।

नेपाल आज दिउँसो कीर्तिपुरस्थित त्रिवि अन्तर्राष्ट्रिय क्रिकेट मैदानमा कुवेतलाई पराजित गर्दै एसीसी प्रिमियर कपको फाइनलमा प्रवेश गरेको हो ।

अर्को खेलमा पनि भारी वर्षाका कारण रद्द भएपछि डिएलएस मेथडबाट ओमान युएईसँग पराजित भएपछि नेपालले फाइनलमा यूएईसँग खेल्ने भएको हो ।

फाइनलमा प्रवेश गरेकोमा नेपाली क्रीकेट टोलीलाई प्रधानमन्त्री पुष्पकमल दाहाल प्रचण्डले बधाई व्यक्त गर्दै सरकारको तर्फबाट उचित सम्मान गर्ने प्रतिबद्धता जनाएको प्रधानमन्त्री तथा मन्त्रिपरिषद्को कार्यालयले बताएको छ ।

आजको सेमिफाइनल खेलमा टस हारेर ब्याटिङको निम्तो पाएको नेपालले ९ विकेट गुमाउँदै २८१ रनको लक्ष्य प्रस्तुत गरेको थियो । जवाफी ब्याटिङमा उत्रेको कुवेतले ८.३ ओभरमा ६ विकेटको क्षतिमा ३७ रन जोड्दा खेल वर्षाले रोकिएको थियो । त्यस पश्चात भीषण वर्षा भएपछि समूह विजेता बन्दै सेमिफाइनलमा प्रवेश गरेको नेपाललाई म्याच रेफ्रीले विजयी घोषणा गरे ।

उता अर्को मुलपानीमा भएको सेमिफाइनल खेलमा ओमान र यूएईबीचको खेल पनि वर्षाले प्रभावित भयो । जसका कारण युएई डिएलएस मेथडमा २ रनले विजयी हुँदै फाइनलमा पुगेको हो । पहिले ब्याटिङ गरेको युएई ४ बल खेल्न बाँकी छँदा २३६ रनमा अलआउट भयो ।

२३७ रनको लक्ष्य पछ्याएको ओमानले ४३ ओभरमा ६ विकेटको क्षतिमा १९० रन बनाउँदा खेल वर्षाले रोकिएको थियो । त्यसपछि वर्षा हुन थालेपछि खेल हुन नसक्दा रद्द गरिएको थियो । त्यसपछि डिएलएस मेथडमा यूएई २ रनले खेल जित्दै फाइनलमा प्रवेश गरेको हो ।

नेपालका लागि करण केसीले सर्वाधिक ५ विकेट र सोमपाल कामीले एक विकेट लिएका थिए । ब्याटिङतर्फ रोहित पौडेलले सर्वाधिक ९४ रन बनाए ।

अब उपाधिका लागि यूएई र नेपालबीच आगामी सोमबार कीर्तिपुर मैदानमा खेल हुनेछ । यो फाइनल खेल जित्ने टोली भारत र पाकिस्तान सम्मिलित समूहमा एसिया कपमा छनोट हुनेछ ।

प्रकाशित मिति: शनिबार, वैशाख १६, २०८० १८:२७

प्रतिक्रिया दिनुहोस्